Qazaqstan IKAO-da Turaqty ókildigin ashty

<p>ASTANA. KAZINFORM &ndash; 2024 jyldyń 26 tamyzynda Monreal qalasynda (Kanada) QR Kólik mınıstri Marat Qarabaevtyń, IKAO Keńesiniń Prezıdenti, IKAO Bas hatshysy jáne IKAO-ǵa múshe elderdiń avıatsııalyq bılik basshylarynyń qatysýymen IKAO-da Qazaqstan Respýblıkasynyń Turaqty ókildigi ashyldy. Bul týraly Kólik mınıstrliginiń baspasóz qyzmeti habarlady.</p>

IKAO (Halyqaralyq Azamattyq avıatsııa uıymy) – Birikken Ulttar Uıymynyń mamandandyrylǵan mekemesi. Onyń quramyna 193 el kiredi. Uıym Azamattyq avıatsııanyń halyqaralyq normalaryn aıqyndaıdy jáne ushý qaýipsizdigin arttyrý aıasynda jumys atqarady. Qazaqstan – IKAO-da Turaqty ókildigi bar Ortalyq Azııadaǵy alǵashqy el. Elimizdiń IKAO-da Turaqty ókildiginiń bolýy azamattyq avıatsııa salasyn odan ári damytý jáne ushý qaýipsizdiginiń tıisti deńgeıin qamtamasyz etý maqsatynda uıymmen yntymaqtastyqty kúsheıtýge múmkindik beredi.

Foto: QR Kólik mınıstrligi

2024 jylǵy 25-28 tamyz aralyǵynda kólik mınıstri Marat Qarabaev Monreal qalasynda IKAO-nyń 14-shi aeronavıgatsııalyq konferentsııasyna (AN-Conf/14) qatysady. Konferentsııa IKAO-ǵa múshe barlyq 193 el úshin aeronavıgatsııa jáne ushý qaýipsizdigi salasyndaǵy joǵary deńgeıdegi usynymdar keshenin kelisýge ákeletin egjeı-tegjeıli tehnıkalyq talqylaýlarǵa múmkindik berdi. 

IKAO konferentsııasy aıasynda kólik mınıstri Marat Qarabaev IKAO Keńesiniń prezıdenti Salvatore Shakkıtanomen jáne IKAO Bas hatshysy Hýan Karlos Salazarmen kezdesti. Basqosý barysynda IKAO basshylyǵy Qazaqstannyń uıymda Turaqty ókildik ashý týraly sheshimin joǵary baǵalap, elimizdiń ushý qaýipsizdigi men avıatsııalyq qaýipsizdik deńgeıin arttyrý aıasynda odan ári belsendi jumys isteıtinine senim bildirdi. IKAO basshylyǵymen kezdesý qorytyndysy boıynsha basqarý qyzmetterin kórsetý týraly kelisimge qol qoıyldy. 

Foto: QR Kólik mınıstrligi

Foto: QR Kólik mınıstrligi