Qazaqstan Hoshımın portyna astyqtyń alǵashqy partııasyn jóneltti
Júk Lıanıýngan porty arqyly barady.
Astyqtyń pılottyq jóneltilýin «KTZ Express» AQ kompanııasynyń enshiles kásiporny «Lıanıýngan qalasynyń qazaq-qytaı halyqaralyq logıstıkalyq kompanııasy» jaýapkershiligi shekteýli qoǵamdastyqpen (JShQ) birlese júzege asyrdy, dep habarlady QTJ-nyń baspasóz qyzmetinen.
«KTZ Express» AQ vıtse-prezıdenti Erjan Kýlakov atap ótkendeı, astyq qapqa salynyp, konteınerlermen jiberilýde. Jóneltilýdiń mundaı ádisi vagondap jiberýmen salystyrǵanda Dostyq stansysynda konteınerlerdi tıeý boıynsha protsedýra ýaqytyn qysqartady.
«Qazaqstan astyqty eksporttaý boıynsha álemde iri on eldiń qataryna kiredi. Jyl saıyn 8 mln tonnadan astam bıdaı eksporttalady, sondyqtan pılottyq jobanyń sátti júzege asýy astyqty jóneltý kólemin arttyrýǵa múmkindik beredi», - dep málim etti E. Kýlakov.
E. Kýlakov sondaı-aq, Lıanıýngan portyndaǵy logıstıkalyq termınaldyń birlesken jobasy Qazaqstannyń Qytaıdaǵy iri ınvestıtsııalyq jobasy bolyp tabylatynyn atap ótti.