Qazaqstan hokkeıshileri álem chempıonaty aldynda eki joldastyq kezdesý ótkizedi

<p><strong>ASTANA. KAZINFORM &ndash; 26 jeltoqsan men 5 qańtar aralyǵynda Kanadada jastar arasyndaǵy shaıbaly hokkeıden álem chempıonaty ótedi.&nbsp;</strong></p>

Ulttyq olımpıadalyq komıtettiń málimetinshe, Qazaqstan quramasy V tobynda Ottava qalasynda oınap, toptyq kezeńde Chehııa, Slovakııa, Shveıtsarııa jáne Shvetsııa komandalarymen kezdesedi. 

16 jeltoqsanda Astanadaǵy oqý-jattyǵý jıyny aıaqtalǵannan keıin hokkeıshiler Kanadaǵa attanady. Onda daıyndyqty jalǵastyryp, eki joldastyq match ótkizedi: 19 jeltoqsanda Germanııa quramasyna qarsy oınasa, al 21 jeltoqsanda Ortalyq Kanada hokkeı lıgasynda (CCHL) óner kórsetetin “Hoksberı Hoks” jastar komandasymen muz aıdynyna shyǵady.

27 jeltoqsanda Qazaqstan quramasy chempıonatty bastaıdy. Alǵashqy match shvedterge qarsy bolmaq.

Eske sala keteıik, buǵan deıin shaıbaly hokkeıden Qazaqstan áıelder quramasy 12-15 jeltoqsan aralyǵynda 2026 jylǵy Olımpıada oıyndaryna irikteý kezeńine qatysatynyn jazǵan edik.