NUR-SULTAN. QazAqparat - Kógaldaǵy hokkeıden Qazaqstan quramasy Azııa oıyndarynyń irikteý kezeńindegi oıyn kestesi belgili boldy, dep habarlaıdy QazAqparat tilshisi.
Atalǵan týrnır Taıland astanasy Bangkok qalasynda 6-15 mamyr aralyǵynda ótkiziledi.
Ulttyq qurama A tobynda Oman, Taıland, Gonkong jáne Ózbekstanmen sheberlik baıqasady.
Qazaqstandyq hokkeıshiler búgin, 6 mamyrda Taıland quramasymen sheberlik baıqasady.
Odan keıin 7 mamyrda Omanmen kezdesse, 9 mamyrda Ózbekstanmen oınaıdy.
Al 10 mamyrda Gonkong quramasymen kezdesedi.
V tobynda Bangladesh, Shrı-Lanka, Indonezııa jáne Sıngapýr quramalary oınaıdy.
Azııa oıyndaryna alty qurama joldama alady.
Qazaqstandyq hokkeıshiler atalǵan dodanyń fınaldyq kezeńinde eki márte baq synady. 1994 jyly 6-oryn alsa, 2018 jyly 11-oryndy mise tutty.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.