Qazaqstan hokkeı quramasynyń múmkindigi qandaı
Bıyl jeti kezdesýdiń nebári ekeýinde jeńiske jetip, qalǵanynda qarsylastardyń yǵyna jyǵyldy. Ulttyq qurama qazaqstandyq jankúıerler kóńilinen shyǵa aldy ma? Álde, bizdiń múmkindigimiz budan da joǵary ma edi? Osy jóninde oı-tarazysyna salyp, aldaǵy múmkindikterdi saralap kóreıik.
Óz jigitterimiz qalaı oınady ?
Álem chempıonatynyń tarıhy bir ǵasyrdan astam ýaqytqa sozylady. Alǵashqy báseke 1920 jyly Belgııanyń Antverpen qalasynda jalaýyn kóterdi. Sodan bergi kezeńde Kanada - 28, KSRO (Reseı) - 27, Chehoslovakııa (Chehııa) - 12, Shvetsııa - 11, Fınlıandııa - 4, AQSh - 2, Ulybrıtanııa men Slovakııa - 1 márte jeńis tuǵyryna kóterildi.
Qazaqstandyq hokkeıshiler 1998 jyldan beri álem chempıonaty elıtalyq dıvızıonynda el namysyn qorǵap qaıtty. Ázirge eń joǵary jetistigi - 2021 jylǵy onynshy oryn. Sol jyly el quramasy tórt márte jeńiske jetip, qorjynǵa on upaı tústi. Tipti, óz tarıhynda alǵash ret pleı-off satysyna joldama alýǵa jaqyn turdy. Bul joly ulttyq quramaǵa qazaqstandyq maman ıÝrıı Mıhaılıs bapkerlik qyzmet atqardy. Qazaqstandyq hokkeıshiler sol kezden beri elıtalyq dıvızıonnan tómen túsip kórgen emes. Endigi jyly besinshi jyl qatarynan úzdikter qatarynda synǵa túsýge múmkindik alyp otyr. Ázirge mundaı jetistikke qol jetkizgen emes.
Ulttyq qurama bıyl V tobynda Frantsııa, Slovakııa, Latvııa, Shvetsııa, Germanııa, AQSh jáne Polshamen synǵa tústi. Qazaqstandyq hokkeıshiler Frantsııa men Polshany 3:1 esebimen jeńse, Slovakııaǵa 2:6, Latvııaǵa 0:2, Shvetsııaǵa 1:3, Germanııaǵa 2:8, AQSh-qa 1:10 esebimen ese jiberdi.
Sáttilik serik bolmady ma ?
Álem chempıonaty bastalardan buryn jankúıerler Qazaqstan quramasy pleı-off satysyna shyǵýy múmkin dep úmittengen edi. Árıne, árbiri osal qarsylas emes. Dese de shıraq qımyl, ózgeshe órnekpen toptyq kezeńde jaqsy nátıjege qol jetkizýge bolatyn ba edi? Ulttyq qurama eń negizgi mindet - elıtalyq dıvızıondaǵy ornyn saqtap qaldy. Alaıda, qarsylastardyń kóbi deńgeıi bizben qatarlas. Olardyń árbirin jeńýge bolatyn. Máselen, toptyq kezeńde Germanııa, Latvııanyń osal tusyn tabýǵa múmkindik bolǵanyn nesine jasyramyz? Qazaqstandyq hokkeıshiler olarmen budan buryn da kezdesti. Talaı márte qapy qaldyryp ketti. Bıyl da sol qarqynda oıyn kórsetse, pleı-off satysyna shyǵýǵa jol ashylyp turǵan edi.
Ras, bıyl ulttyq qurama sapynda jastardyń sany basym. Keıbir jaǵdaıda olardyń tájirıbesi jetispeı jatty. Oıyn barysynda óreskel qatelikterge boı aldyrdy. Sonyń saldarynan keıbir kezdesýde qarsylastar jeńiske jetti.
«Ulttyq quramaǵa jastardy kóbirek tartýǵa mán berdik. Olardyń sanyn tolyqtyrýǵa bolar edi. Bul boıynsha arnaıy reglament bar. Elimizde talanatty jastar kóp. Sol jastarmen jumys isteı bilýimiz qajet. Biz álem chempıonatynda uzaq jyldan beri Frantsııany jeńe almaı keldik. Al Slovakııa byltyrǵy ketken esesin qaıtardy. Polshamen kezdesýde Nıkıta Mıhaılıs pen Valerıı Orehov gol soqty. Olar budan burynǵy kezdesýlerde gol soǵýǵa tyrysty. Degenmen sáttilik jetispeı jatty. Endi aldaǵy jarystarǵa daıyndalamyz», - dedi ulttyq quramanyń bas bapkeri Ǵalym Mámbetálıev.
Jastarǵa úmit artamyz
Bıyl ulttyq qurama sapynda jastardyń sany basym. Bul bas bapkerdiń aldaǵy jyldarǵa daıyndyǵy desek te bolady. Óıtkeni, qurama sapynda jastardyń sanyn tolyqtyrý - keleshekke jasalǵan bir qadam. Atalǵan hokkeıshiler qazirden tájirıbesin jetildiredi, sheberligin shyńdaıdy. Azýly qarsylastarmen oınap úırenedi. Aınalyp kelgende, bul aldaǵy ýaqytta ulttyq quramanyń joǵary deńgeıde oınaýyna jol ashady.
Qazirdiń ózinde quramanyń jeńiske jetýine úles qosyp júrgen jastar bar. Aldaǵy maýsym aıynda 23 jasqa tolatyn shabýylshy Álıhan Ómirbekov Slovakııa jáne AQSh qaqpasyna eki shaıba soǵyp ketti. Sondaı-aq, Valerıı Orehov, Artem Korolev, Temırlan Gaıtamırov, Maksım Mýsorov, Ádil Beketaev, Batyrlan Muratov, Sama Danııar alda áli talaı álem chempıonatynda baq synaýyna múmkindigi bar.
«Bylaı qarasańyz, bári de – durys. Maqsat oryndaldy, jospar júzege asty. Reıtıngte árbir upaı mańyzdy emes pe? Mysaly, Qazaqstan quramasy 2024 jylǵy álem chepıonatynda alty upaı enshiledi. Jalpy kestede biz endi tek 13-orynda bolamyz. Óıtkeni A tobyndaǵy Norvegııa men Danııada 6 upaı enshiledi. Kelesi jylǵy qarsylastarymyzdyń biri tómengi dıvızıonnan kóterilgen Vengrııa men Slovenııanyń bireýi bolady. Oǵan sóz joq. Biraq bıylǵydaı taǵy bir osaldaý quramanyń bolǵany jaqsy edi ǵoı. Al 2025 jyly Frantsııanyń ornyna Danııa túsýi yqtımal. Onda qıyndaý bolady. Sebebi toptyq oıyndardyń biri osy elde ótedi. Álem chempıonatynda 16 qurama bolǵany durys. Biz úshin óte paıdaly bolyp tur. Osy álem chempıonaty bolmasa, biz Ómirbekov, Dıhanbek, Korolev, Keńesbaı, Boıko, Shýlga jáne ózge de áleýeti zor oıynshylardyń bar ekenin bilmeýimiz múmkin edi», - deıdi sport jýrnalısi Nurǵazy Sasaev.
Ulttyq qurama sapynda Roman Starchenko, Evgenıı Rymarev syndy tájirıbeli hokkeıshiler oıyn kórsetti. Mundaı joǵary deńgeıdegi talaı jarysqa qatysqan jigitter bul joly da synaqtan súringen joq. Álem chempıonatynda kapıtandyq mindetti atqarǵan Roman Starchenko Germanııa men Polsha qaqpasynan sańylaý taýyp, óz quramasyn jeńiske jeteledi.
Qysqasy, qazaqstandyq hokkeıshiler taǵy bir álem chempıonatyna aıaqtady. Aldaǵy jyly múmkindigimiz qalaı bolady? Bıylǵy qatelikten sabaq aldyq pa? Ony ýaqytynda tarazylaıtyn bolamyz. Dese de endigi kezekte qazaqstandyq hokkeıshilerdiń joǵary tabysqa jetýine kúsh salý qajet sekildi...