Qazaqstan hokkeı quramasy elıtalyq dıvızıondaǵy ornyn saqtap qaldy

<p>ASTANA. KAZINFORM - Shaıbaly hokkeıden álem chempıonaty elıtalyq dıvızıonyndaǵy jetinshi oıynynda Qazaqstan quramasy Polshany jeńdi. Nátıjesinde elıtalyq dıvızıondaǵy ornyn besinshi jyl qatarynan saqtap qaldy.</p>

Quramalar álem chempıonatynyń toptyq kezeńinde joǵary deńgeıde ótkize alǵan joq. Alty oıynda qazaqstandyq hokkeıshiler úsh upaı jınasa, polshalyqtar nebári bir upaıdy mise tutty.

Búgingi kezdesýde jeńiske jetken qurama elıtalyq dıvızıondaǵy ornyn saqtap qalatyn edi.

Kezdesý barysynda qazaqstandyq hokkeıshiler alǵashqy mınýttan tizgindi óz qolyna alýǵa tyrysty. Degenmen Polsha quramasy sapynan Kamıl Valenga 9-mınýtta qaqpadan sańylaý taýyp ketti.

Oıynnyń 12-mınýtynda qazaqstandyq Nıkıta Mıhaılıs tarazy basyn teńestirdi. Úshinshi kezeńde el quramasynan Valerıı Orehov 50, Roman Starchenko 54-mınýtta eki shaıba soqty.

Osylaısha Qazaqstan quramasy qarsylasynan 3:1 esebimen basym túsip, elıtalyq dıvızıondaǵy ornyn saqtap qaldy.

Dúbirli doda 10-26 mamyr aralyǵynda Chehııanyń Praga jáne Ostrava qalalarynda ótkizilip jatyr.

Álem chempıonatynda qazaqstandyq hokkeıshiler V tobynda Frantsııa, Slovakııa, Latvııa, Shvetsııa, Germanııa, AQSh jáne Polshamen synǵa tústi.

Aıta ketsek, budan buryn qazaqstandyq hokkeıshiler Frantsııany 3:1 esebimen jeńse, Slovakııaǵa 2:6, Latvııaǵa 0:2, Shvetsııaǵa 1:3, Germanııaǵa 2:8, AQSh-qa 1:10 esebimen ese jiberdi.