Qazaqstan halyqaralyq qaýipsizdik ortalyǵyna aınalý jolynda nyq qadamdar jasaýda - Anadoly
«Keńes odaǵy kúıregennen keıin 1991 jyldyń 10 jeltoqsanynda Qazaq KSR Joǵarǵy Keńesi «Qazaq Keńestik Sotsıalıstik Respýblıkasyn Qazaqstan Respýblıkasy dep ózgertý týraly» Zań qabyldady.
1991 jyldyń 16 jeltoqsanynda Qazaqstan Joǵarǵy keńesi «Memlekettiń táýelsizdigi men egemendigi týraly» Zań qabyldap, osylaısha Qazaqstan óz táýelsizdigin jarııa etti. Túrkııa, AQSh jáne Qytaı egemen memlekettiń táýelsizdigin alǵashqylardyń biri bolyp moıyndady.
Táýelsiz Qazaqstannyń alǵashqy saılaýy 1991 jyldyń 1 jeltoqsanda ótip, Nursultan Nazarbaev aıqyn jeńiske jetti. Memleket basshysy Qazaqstandy halyqaralyq qaýipsizdik, beıbitshilik, ekonomıkalyq jáne mádenı gúldený ortalyǵyna aınaldyrýdy, eldiń qarqyndy ósimine qol jetkizýdi alǵa maqsat etip qoıdy.
Nazarbaevtyń alǵashqy qadamdarynyń biri - Semeı ıadrolyq polıgonyn jabý týraly jarlyǵy boldy. Memleket basshysy strategııalyq maqsattardy alǵa qoıdy. Oǵan qol jetkizý Qazaqstannyń memleket retinde tabysty qalyptasýyna, onyń turaqty damýyna, halyqtyń laıyqty ómir súrý deńgeıin qamtamasyz etýge jáne álemdik qoǵamdastyqtyń qatarynan oryn alýǵa kepildik berd»,- delingen maqalada.
Sondaı-aq 1997 jyly Qazaqstan kóshbasshysy qazaq elordasyn Astanaǵa kóshirý týraly sheshim qabyldaǵandyǵy, salystyrmaly túrde alǵanda qysqa ǵana ýaqyttyń ishinde álemniń eń jas elordasy jahandyq bastamalar talqylanatyn bedeldi alańǵa aınalǵandyǵy da keńinen qamtylǵan.
«Astanada Irannyń ıadrolyq baǵdarlamasyna arnalǵan kelissózder ótip, sırııalyq janjaldy retteý joldary talqylanady, kóptegen halyqaralyq jáne óńirlik ekonomıkalyq ári mádenı sharalar uıymdastyrylady», dep atap ótilgen.
«Táýelsizdik jyldary ishinde Qazaqstannyń jalpy ishki ónimi 2 esege jýyq ósim kórsetti. Eldiń kóliktik ınfraqurylymyna ınvestıtsııa tartýdyń nátıjesinde Qazaqstan óńirlik kóliktik jáne tranzıttik habqa aınaldy.
Búginde biz 1991 jyly Qazaqstan halqy tańdaý jasaǵan zaıyrly damýy jolynyń durys ekendigin kórip otyrmyz.
Qazirgi ýaqytta Qazaqstan bilim berý, densaýlyq saqtaý jáne áleýmettik damý salalarynda damyǵan júıege ıe.
Táýelsizdik jyldarynyń ishinde kedeıshilik 15 esege qysqardy, azamattardyń shynaı tabysy 4 ese kóbeıdi, ómir súrý uzaqtyǵy 72,5 jylǵa jetti.
27 jyldyń ishinde halyq sany 12,2 paıyzǵa artyp, 18,38 mln adamdy qurady.
Eldegi ınvestıtsııalyq ahýaldy sapaly jaqsartýǵa múmkindik bergen reformalardyń arqasynda Astana ulttyq ekonomıkasyna 300 mlrd dollar kóleminde shetel ınvestıtsııasyn tarta aldy. Osylaısha, bul kórsetkish boıynsha Ortalyq Azııa elderiniń arasynda kóshbasshyǵa aınaldy.
Qazaqstan 2050 jylǵa qaraı álemniń damyǵan 30 eliniń qataryna qosylýdy josparlap otyr.
Memlekettiń Táýelsizdik kúni Qazaqstanda, sonymen qatar sheteldik ókildikterde de keńinen atalyp ótilýde».