Qazaqstan halyqaralyq tsırk festıvalinde gran-prıdi ıelendi
Kórermender aldynda tek Qazaqstannan ǵana emes, Germanııa, Vetnam, Efıopııa, ıAkýtııa, Ýkraına, Belarýs, Reseı, Ulybrıtanııa, Lıtva, Chehııa, Ózbekstan, Qyrǵyzstan jáne Tájikstannan kelgen ártister óner kórsetti.
Qazaqstandyq ártister «Qurmet» ordeniniń ıegeri Qanatbek Kúnǵojınov jetekshilik etken «Nomad» akrobatıkalyq nómiri – tsırk spektaklin usyndy. Bul nómirdiń biregeıligin qazaqstandyq aýdıtorııa da, sheteldik ártister de joǵary baǵalady. Nátıjesinde qazaqstandyq ártister Gran-prı men kúmis júldeni (Adlet Tıkanovtyń jetekshiligimen «Qos dińgektegi akrobattar» nómirimen «Hassak» toby) jeńip aldy.
Altyn júldeni Vetnamnan («Moment Of Love» nómirimen áýe gımnastary) jáne Reseı Federatsııasynan (Roman Romanovtyń jetekshiligimen ıAkýtııadan kelgen jonglerler trıosy jáne Sergeı Soprykınniń jetekshiligimen taqtaıshalardaǵy akrobattar) kelgen tsırk ártisteri ıelense, Qazaqstandyq ónerpazdardan ózge kúmis júldeni ózbekstandyq tsırkshiler (Rýstam Hametovtyń jetekshiligimen arqanmen júretin «Perǵaýyn» nómiri) jáne Vetnamdyq ártister (Chý Thı Han Hýen «qylyshpen áýe tepe-teńdigi», jetekshisi Tong Toan Tang) ıelendi, al qola júldemen Germanııadan (týrnıktegi akrobattar Sergeı jáne Olga Rokashkovtar), Belarýstan (Egor Kovalenko), Tájikstannan («Arıı táji» - Almashon Ilıasovtyń basshylyǵymen pershterdegi ekvılıbrıster) jáne Lıtvadan (Alekseı Teslın) kelgen ártister marapattaldy.
Nómirler tsırk festıvalderine baǵa berýdiń halyqaralyq júıesi boıynsha baǵalandy. Qazylar alqasy eki parametr boıynsha 0-den 10-ǵa deıin upaı berdi: 10 upaı – sheberlik úshin eń joǵary upaı, al qalǵan 10 upaı – sheberlik, sulýlyq jáne estetıka úshin eń joǵary upaı. Bir jıýrıden ártistiń alatyn eń joǵary bally – 20 ball. Bul baǵalaý júıesi barlyq álemdik tsırk alańdarynda qoldanylady.
Qazylar alqasynyń quramyna halyqaralyq tsırk alańdarynyń ókilderi endi. Al festıvaldiń bas rejısseri Reseıden arnaıy shaqyrylǵan sarapshy,Ýdmýrt Respýblıkasynyń Halyq ártisi Elena Petrıkova boldy.
«Bul – Almaty qalasynda ákimdiktiń qoldaýymen ótken alǵashqy Festıval jáne Almaty men Qazaqstan úshin óte úlken qadam jáne zor jetistik. Festıvalge qazylyq etýge tsırk óneriniń asqan daryndary, álemdik tsırk óneriniń kórnekti qaıratkerleri shaqyryldy. Sondaı-aq, ǵajap tsırk nómirleri usynyldy. Men júldegerlerdi tańdaýǵa qatysqan joqpyn, bul – Qazaq memlekettik tsırki komandasynyń eńbegi», - dedi ol
Qazaq memlekettik tsırkiniń bas rejısseri Marına Maratqyzynyń aıtýynsha, festıvalge qatysýshylardy tańdaǵanda, birinshi kezekte rejısserlik top sheberlik, ártistik pen jańalyqqa nazar aýdarǵan. Buryn Almatydaǵy tsırk manejinde usynylmaǵan nómirler tańdaldy.
Aıta keterligi, qazylar alqasy festıvaldi uıymdastyrýdyń sapasyn da erekshe baǵalady. Tsırk shoýlarynyń qoıýshy-rejısseri Antonıo Djarolanyń aıtýynsha, ǵımarattyń ınfraqurylymy men maneji tsırk ártisteri úshin barlyq halyqaralyq talaptarǵa sáıkes boldy.
«Biz Qazaqstanda bolǵanymyzǵa jáne osyndaı úlken shoýdy tamashalaǵanymyzǵa qýanyshtymyz. Tsırk ǵımaratynyń arhıtektýrasynyń ózi erekshe jáne biz úshin osyndaı mańyzdy tarıhı arenada óner kórsetý úlken mártebe. Tehnıkalyq qamtamasyz etý, jaryq jáne dybystyq jabdyqtar basqa álemdik alańdardan kem túspedi. Mundaı festıvalder óte mańyzdy! Olar ártisterge sheberlikti kórsetip qana qoımaı, baı mádenıetpen almasýǵa yqpal etedi», - dedi ol.