Qazaqstan halyqaralyq banktermen birlesip qandaı jobalardy iske asyryp jatyr

ASTANA. QazAqparat - QR Premer-Mınıstri Álıhan Smaıylov QR Úkimetiniń halyqaralyq qarjy uıymdarymen yntymaqtastyǵy jónindegi úılestirý keńesiniń otyrysyn ótkizdi, dep habarlaıdy QazAqparat Úkimettiń resmı saıtyna silteme jasap.

Otyrysqa qatysýshylar orta bilim berýdi jańǵyrtý jobasyn iske asyrýdy, Aqtóbe, Qaraǵandy, Taraz, Rıdder jáne Qonaev qalalarynda káriz-tazartý qurylysyn salý jáne rekonstrýktsııalaý jónindegi jospardy, sondaı-aq kúre joldardy rekonstrýktsııalaý, ırrıgatsııalyq júıelerdi qalpyna keltirý jónindegi birqatar jobany jalǵastyrý máselelerin talqylady.

Talqylaý qorytyndysy boıynsha Premer-Mınıstr tıisti tapsyrmalar berdi.

Keńeske ortalyq memlekettik organdardyń basshylary, Dúnıejúzilik bank, Azııa damý banki, Eýropa qaıta qurý jáne damý banki, sondaı-aq Islam damý bankiniń ókilderi qatysty.

Foto: primeminister.kz