Qazaqstan Halyq partııasynyń ókili zaýyt jumysshylarymen kezdesti
17:17, 15 Jeltoqsan 2020
NUR-CULTAN. QazAqparat – Qazaqstan Halyq partııasynyń ókilderi turǵyndarmen kezdesti, dep habarlaıdy QazAqparat.
Almatyda Qazaqstan Halyq partııasynyń ókilderi qaladaǵy orta mektepterdiń, sondaı-aq kolledjder men joǵary oqý oryndarynyń pedagogtarymen jáne oqytýshylarymen kezdesti. Kezdesýde bilim berý júıesindegi túıtkildi máseleler jan-jaqty talqylandy.
QHP Almaty qalalyq fılıalynyń jetekshisi Álibek Shapenov elimizdegi bilim salasyn damytýdyń baǵyttary týraly óz oıyn jetkizdi.
Sonymen qatar, 15 jeltoqsan Aqmola oblysy Stepnogorsk qalasynda Qazaqstan Halyq partııasynyń Parlament Májilisiniń depýtattyǵyna kandıdat Oljas Syzdyqov «Tselıngormash» zaýytynda kásiporynnyń ujymymen kezdesý ótkizdi.
O.Syzdyqov óndiristik protsesti baqylap, eńbek jaǵdaılary men qaýipsizdigin, kásiporynnyń tehnıkalyq jabdyqtalýyn baǵalady. Ujymmen beıresmı jaǵdaıda kezdesip, dıdarlasty.