Qazaqstan halqynyń jartysy memlekettik qyzmet kórsetý sapasyna qanaǵattanbaıdy - QR EBJM

ASTANA. 20 qarasha. QazAqparat - El turǵyndarynyń teń jartysy memlekettik qyzmet kórsetý sapasyna qanaǵattanbaıtynyn jetkizgen. Bul týraly búgin ótken «QR «Memlekettik qyzmetter týraly» zańyn júzege asyrý turǵysynan memlekettik qyzmetter kórsetý júıesin jetildirý» atty halyqaralyq konferentsııada QR Ekonomıka jáne bıýdjettik josparlaý mınıstrliginiń jaýapty hatshysy Dına Shajenova aıtty.

«Biz búginde jalpy halyq kórsetilip otyrǵan memlekettik qyzmetke qanaǵattanady dep aıta almaımyz. Ár salada ártúrli. Jalpy alǵanda 50 paıyzdaıy ǵana qanaǵattanady dep aıtýǵa bolady. Keıde azamatqa qatysty dóreki qyzmet kórsetken qyzmetkerdi kórip qalamyz, keıde uzynnan-uzaq kezekter bolady, adamdar otyryp kútetin oryndar jasalmaıdy. Árıne, sondyqtan biz halyqtyń kóńilinen shyǵý úshin únemi jumys jasaı beretin bolamyz», - dedi ol.

Jaýapty hatshynyń aıtýynsha, bıyl mınıstrlik pılottyq jobany iske asyrýǵa kirisedi. Úkimettik emes uıymdardyń kómegimen qoǵamdyq monıtorıng júrgizýge granttyq qarajattar bólingen. Qazirgi ýaqytta árqaısysy 10 myń dollar turatyn 7 joba tańdalǵan.

«Bul úkimettik emes uıymdar ár saladaǵy memlekettik qyzmettiń sapasyna qoǵamdyq monıtorıng júrgizetin bolady», - dep atap ótti D. Shajenova.