Qazaqstan halqynyń sany 18 mln 653 myńnan asty
16:36, 18 Naýryz 2020
NUR-SULTAN. QazAqparat - 2020 jylǵy 1 aqpandaǵy jaǵdaı boıynsha, Qazaqstan halqynyń sany 18 mln 653 myń 500 adamdy qurady, dep habarlaıdy QazAqparat QR Ulttyq ekonomıka mınıstrligi Statıstıka komıtetine silteme jasap.
Qazaqstandyqtardyń jalpy sanynyń 10 mln 914 myń 800-i nemese 58,5% - qalada, 7 mln 738 myń 700-i nemese 41,5% aýyldyq jerlerde turady.
18 mln 653 myń 500 adamnyń 9 mln 44 myńyn nemese 48,5% – erler, 9 mln 608 myńyn nemese 51,5% áıelder quraıdy.
2019 jylǵy 1 aqpanmen salystyrǵanda halyq sany 238 myń adamǵa nemese 1,3% artty. Eń kóp ósim úsh óńirde tirkeldi: Almaty qalasynda (64 myń adam), Nur-Sultan qalasynda (58,4 myń adam) jáne Túrkistan oblysynda (33,3 myń adam).