Qazaqstan halqynyń AQSh saıasatyna qatysty oıyn bilgenim durys - Djordj Krol

ASTANA. QazAqparat - AQSh-tyń Qazaqstandaǵy Tótenshe jáne Ókiletti Elshisi Djordj Krol Qazaqstan halqynyń Amerıka saıasatyna qatysty oıyn ne úshin zerdelep otyratynyn aıtyp berdi, dep habarlaıdy QazAqparat tilshisi.

«Búginde Amerıkanyń buqaralyq aqparat quraldarynda ǵana emes, Qazaqstannyń baspasóz betterinde de AQSh-tyń saıasatyna qatysty san alýan pikirler aıtylady. Árıne, ol pikirler synı turǵyda aıtylǵanda barlyǵyn birdeı qabyldaı berý durys emes. Degenmen, onyń ózi - paıdaly aqparat. Óıtkeni men ózim qazaqstandyqtardyń AQSh saıasatyna qatysty oıyn bile alamyn. Al sonyń barlyǵyn bilmesem, aınalanyń bári ıllıýzııa bolyp ketýi ábden múmkin. Halyqtyń pikiri jaqsy bolmasa da, men ony bilýim kerek. Sosyn óz úkimetime jergilikti halyqtyń basqasha oılap otyrǵanyn jetkizýim kerek. Endi, bizge qatysty «Nege? Nege? Nege olaı istep jatyr?» degen suraqtar kóp. Men ony jaqsy bilemin. Ol da durys shyǵar», - dedi Krol búgingi baspasóz máslıhatynda.

Aıta keteıik , búgingi baspasóz máslıhatynda Djordj Krol Astanadaǵy EKSPO-2017 kórmesinde ashylatyn Amerıkanyń pavılony jaıynda habardar etti. Sondaı-aq elsh i óziniń kıiz úıin kórsetti.  Kroldyń aıtýynsha, Qazaqstan úkimeti de Amerıkanyń demokratııasyna qatysty syn aıtyp otyrady .