Qazaqstan halqynyń 83,7 paıyzy Elbasynyń Joldaýynan habardar
Bul týraly búgin jýrnalıstermen bolǵan brıfıngte osy máselege baılanysty arnaıy júrgizilgen áleýmettik zertteýlerdiń nátıjelerimen tanystyrǵan «Nur Otan» halyqtyq-demokratııalyq partııasy Parlamentarızm ınstıtýty Sotsıologııalyq qyzmetiniń ókili Amanqul Serikbaev málim etti.
Onyń derekterine qaraǵanda, Joldaýdan habardar azamattary sany elimizdiń barlyq aımaqtary boıynsha 60 paıyzdan asady. Olardyń arasynda Joldaý týraly halqynyń eń kóp bóligi biletin aımaqtardyń kóshin 89,7 paıyzben Qyzylorda, 89,4 paıyzben Taldyqorǵan, 89 paıyzben Taraz qalalary bastap otyr. Al Joldaý týraly eń az biletin aımaqtardyń qatarynda 65,4 paıyzben Pavlodar jáne 60,4 paıyzben Atyraý oblystary bar.
«Bul rette aıta ketetin másele zertteý jumystaryna qatysqan respondentterdiń 54,7 paıyzy Joldaýdy televıdenıe men radıo kórip nemese tyńdasa, olardyń úshten biri Joldaý týraly jańalyqtar qyzmetinen estip bilgen. Sondaı-aq respondentterdiń árbir jetinshisi aqparatty baspasóz basylymdary men ınternet resýrstarynan alǵan. 61 jastan asqan qarııalar Joldaý týraly tikeleı teledıdar men radıodan bilgen. Zeınetkerlerdiń 74,7 paıyzy Memleket basshysynyń Joldaýynan habardar bolyp shyqty»,-dedi A.Serikbaev.
Onyń sózinshe, Memleket basshysy Joldaýyn halyqtyń qanshalyqty jaqyn qabyldaǵany onda kótirilgen máseleler arqyly baıqalady. Osy rette qazaqstandyqtardyń 96,5 paıyzy Joldaýda kóterilgen máselelerge qanaǵattanǵandyǵyn bildirgen. Zertteýge qatysqan azamattardyń 31,8 paıyzy Joldaýdy maquldaıtynyn bildirse, 15,6 paıyzy odan úmittenetindigin aıtqan. Al 12,1 paıyz halyq Joldaýdy qyzyǵýshylyqpen tyńdasa, 11,3 paıyzy maqtanysh pen qanaǵattanarlyq sezimde bolǵan. «Áleýmettik zertteý jumystaryna elimizdiń aımaqtarynan jasy 18-den asqan 1 myń 99 adam qatysty jáne ol azamattardyń barlyǵy kezdeısoq jaǵdaıda tańdap alyndy. Zertteýdiń tek 5 paıyzynda ǵana sáıkessizdik bolýy múmkin»,-deıdi partııa ókili.