«Qazaqstan halqyna» qoryna sheteldik ınvestorlardyń aqsha aýdarýy quptalady – Prezıdent

NUR-SULTAN. QazAqparat – QR Prezıdenti Qasym-Jomart Toqaev Úkimettiń keńeıtilgen otyrysynda «Qazaqstan halqyna» qorynyń jumysyna toqtaldy, dep habarlaıdy QazAqparat tilshisi.

«Bıznesten salyqtyq adaldyq pen áleýmettik jaýapkershilik talap etiledi. Bul tásildiń bir kórinisi – «Qazaqstan halqyna» beriletin qaıyrymdylyq. Men buǵan deıin aıtqan bolatynmyn, búgin ony qalyptastyrý negizinen iri ulttyq býrjýazııa esebinen júrýi tıis ekenin taǵy da qaıtalaımyn. Degenmen basqa kompanııalardyń, sonyń ishinde sheteldik ınvestorlardyń jarnalary, árıne, quptalady», - dedi Qasym-Jomart Toqaev.

Prezıdent bul qorǵa aqsha aýdarý májbúrli shara emes ekenin eske saldy.

«Taǵy da atap ótkim keletini – bul májbúrleý emes. Tabysty kompanııalar men azamattarǵa jalpyulttyq ıgi maqsattarǵa qarajat bólý múmkindigi», - dedi Memleket basshysy.