«Qazaqstan halqyna» qoryna 52 mlrd teńgeden astam qarjy tústi

NUR-SULTAN. QazAqparat - «Qazaqstan halqyna» qoryna 16-27 qańtar aralyǵynda 52 mlrd teńgeden astam qarjy tústi, dep habarlaıdy QazAqparat.

«Qazaqstan halqyna» qoǵamdyq qory Memleket basshysy Qasym-Jomart Toqaevtyń densaýlyq saqtaý, bilim berý, áleýmettik sala, mádenıet jáne sport salalaryndaǵy naqty máselelerdi sheshý jónindegi bastamasyn qoldaǵan barlyq qazaqstandyqtarǵa, iri kásiporyndarǵa, eńbek ujymdaryna alǵys bildirdi.

«2022 jylǵy 16-27 qańtar aralyǵynda Qorǵa 52 mıllıard teńgeden astam qarjy tústi. Qor jylyna keminde 100 mlrd teńge kóleminde aqsha qarajatyn shoǵyrlandyrady dep josparlanýda. Bizdiń boljamdy esepteýlerimizde sheteldik jáne halyqaralyq kompanııalardan qarajattyń túsýi kózdelmegen. Biz qazaqstandyq iri kásiporyndar men olardyń aktsıonerlerine qaıyrymdylyqqa eleýli úles qosqany úshin alǵysymyzdy bildiremiz» delingen atalǵan qordyń baspasóz habarlamasynda.

26-27 qańtar aralyǵynda «Qazaqstan halqyna» Qory arqyly qaıyrymdylyqqa eleýli úles qosqandar:

- Ótemuratov Bolat Jámıtuly - 10 mlrd teńge;

- «RAMS-KAZAHSTAN» JShS – 300 mln teńge.

Qor basshylyǵy alynǵan barlyq qarjy qarajatynyń tolyq ashyqtyǵy men eseptiligi qamtamasyz etiletinin málimdeıdi. Aqsha Qazaqstan halqynyń ıgiligine, densaýlyq saqtaý, áleýmettik sala, bilim, mádenıet jáne sport problemalaryn sheshýge baǵyttalady. Qor orfandyq jáne basqa da aýrýlary bar, halyqtyń áleýmettik osal toptaryna muqtaj balalarǵa, qaza tapqan áskerı qyzmetkerlerdiń, quqyq qorǵaý jáne arnaıy organdar qyzmetkerleriniń otbasylaryna, sondaı-aq basqa da qaıyrymdylyq maqsattarǵa qoldaý kórsetedi.

Esterińizge sala keteıik, «Qazaqstan halqyna» QQ shotyna qaıyrymdylyqty kelesi derektemelerdiń biri boıynsha júrgizýge bolady:

- «Qazaqstan halqyna» Qoǵamdyq qory, JSN/BSN: 220140006999, Kbe 18, KZ97601A871001692501 KZT, «Qazaqstan Halyq Banki» AQ;

- «Qazaqstan halqyna» Qoǵamdyq qory, JSN/BSN: 220140006999, Kbe 18, KZ52722S000011856768 KZT, «Kaspi Bank» AQ;

- «Qazaqstan halqyna» Qoǵamdyq qory, JSN/BSN: 220140006999, Kbe 18, KZ0896503F0010863168 KZT, «ForteBank» AQ;

- «Qazaqstan halqyna» Qoǵamdyq qory, JSN/BSN: 220140006999, Kbe 18, KZ34821AGLBY10000001 KZT, «Bank RBK» AQ;

- «Qazaqstan halqyna» Qoǵamdyq qory, JSN/BSN: 220140006999, Kbe 18, KZ66998BTB0001436729 KZT, «First Heartland Jusan Bank» AQ;

- «Qazaqstan halqyna» Qoǵamdyq qory, JSN/BSN: 220140006999, Kbe 18, KZ078562203115118091 KZT, «Bank TsentrKredıt» AQ;

- «Qazaqstan halqyna» Qoǵamdyq qory, JSN/BSN: 220140006999, Kbe 18, KZ6594805KZT22034070 KZT, «Evrazııskıı bank» AQ.