«Qazaqstan halqyna» qoryn Bolat Jámishev basqaratyn boldy
Qordyń Qamqorshylyq keńesi «Qazaqstan halqyna» biraýyzdan qoǵamdyq álýmettik qorynyń tóraǵasy qyzmetine Bolat Jámishevtiń kandıdatýrasyn usynyp, qoldady.
«Qazaqstan halqyna» QÁQ – nyń joǵary basqarý organy retinde Qorǵa qatysýshylardyń jalpy jınalysy, baqylaýshy organ retinde Qamqorshylyq keńes, atqarýshy organ bolyp Basqarma jáne baqylaýshy organ bolyp Tekserý komıssııasy taǵaıyndalady.
Aıta keteıik, Qazaqstanda Memleket basshysy Qasym-Jomart Toqaevtyń tapsyrmasy boıynsha «Qazaqstan halqyna» qoǵamdyq áleýmettik qory (QÁQ) quryldy.
Qor Qazaqstan halqyna densaýlyq saqtaý, bilim berý jáne áleýmettik qoldaý, mádenıet jáne sport salalarynda memlekettik qoldaý sharalarynan tys qosymsha qamtamasyz etý máseleleri boıynsha qaıyrymdylyq kómek kórsetedi, tótenshe jaǵdaılar kezinde jáne tótenshe jaǵdaı rejımin engizý kezinde zardap shekkenderge, halyqtyń áleýmettik osal toptary jáne osal top balalaryna sporttyq ınfraqurylymnyń damýy jáne qoljetimdiligin arttyrý boıynsha járdemdesedi.
Sondaı-aq QR aýmaqtyq tutastyǵy men qaýipsizdigin qorǵaý kezinde qaza tapqan quqyq qorǵaý organdary, arnaıy organdar qyzmetkerleriniń, áskerı qyzmetshilerdiń otbasylaryna jáne basqa da kómekke muqtaj jandarǵa qol ushyn sozý, qoldaý kórsetip, ózge de qaıyrymdylyq kómekpen aınalysady.
Qordy qarjylandyrý jeke kózderden, halyqaralyq qaıyrymdylyq uıymdarynyń qarajatynan, lotereıa qyzmeti operatorynyń, stavkalardy esepke alý ortalyǵynyń jáne basqa da monopolısterdiń mindetti aýdarymdarynan, iri bıznes tarapynan turaqty aýdarymdarynan, qaıyrymdylyqqa, onyń ishinde kvazımemlekettik sektorǵa arnalǵan qarajattan júzege asyrylatyn bolady.
Bıznes-qoǵamdastyqtyń ókilderi men kómek retinde qol ushyn sozǵysy keletin azamattar «Qazaqstan halqyna» Qorynyń shotyna kelesi rekvızıtter boıynsha qarajat aýdara alady:
«Qazaqstan halqyna» Qoǵamdyq Qory, JSN/BSN: 220140006999, Kbe 18, KZ97601A871001692501 KZT, «Qazaqstan Halyq Banki» AQ.