Qazaqstan halqyna qory qańtarda kóz jumǵan balalardyń otbasyna 7 mln teńgeden tóledi

NUR-SULTAN. QazAqparat - «Qazaqstan halqyna» qoryna qańtar oqıǵasy kezinde zardap shekken azamattardyń naqtylanǵan tizimi kelip tústi. Bul týraly QazAqparat Qordyń baspasóz qyzmetine silteme jasap habarlaıdy.

Qaıtys bolǵan 13 azamattyń otbasy múshelerine Qor aqshalaı tólemder jiberdi, olardyń jazataıym qurban ekenin mártebesin quzyrly organ rastady.

Sondaı-aq qańtar oqıǵasy kezinde aýyr jaraqat alǵan 2 balanyń ata-anasyna aqshalaı tólemder jiberildi. Bir bala oq jaýǵan kólikte otbasymen birge, al ekinshi bala oq atylǵan kólikte ákesimen birge bolǵan. Tólemder zardap shekken balalar týraly málimetter túskennen keıin júrgizildi.

Bul sanattaǵy jábirlenýshilerge joldanǵan jalpy tólem somasy 97 mln ​​teńgeni qurady.

Qaza tapqandardyń otbasylaryna 7 mıllıon teńgeden, aýyr jaraqat alǵan balalardyń týystaryna 3 mıllıon teńgeden tólendi.

Eske salsaq, Qazaqstan halqyna» qoǵamdyq qory ІІM, Ulttyq qaýipsizdik komıteti qyzmetshileri jáne Qorǵanys mınıstrligi jáne Ulttyq ulannyń áskerı qyzmetshilerine kómek retinde materıaldyq tólem tóleı bastady.