Qazaqstan halqyna qory epılepsııa dıagnozy bar 88 balany dárimen qamtamasyz etti
«Qazaqstan halqyna» qoǵamdyq qory aýyr jáne sırek aýrýlary bar azamattardy dári-dármekpen qamtamasyz etýdi jalǵastyrýda. 2023 jyldyń aqpan aıynyń sońynda jáne naýryz aıynyń basynda elimizdiń 5 óńirindegi densaýlyq saqtaý basqarmalaryna epılepsııa dıagnozy qoıylǵan 88 balaǵa jalpy somasy 4,4 mln teńgege «Sabrıl» dárisi jetkizildi», - dep jazdy qordan.
Preparat Túrkistan oblysyndaǵy - 21 balaǵa, Shymkent qalasyndaǵy - 24 balaǵa, Pavlodar oblysyndaǵy - 18 balaǵa, Soltústik Qazaqstan oblysyndaǵy - 12 balaǵa jáne Aqmola oblysyndaǵy 13 balaǵa arnalǵan.
«Sabrıl» dárisi «SvıksBıoFarm» kompanııasymen tek aldyn-ala tapsyrys berý arqyly satyp alyndy.
Ótken jyldan beri «Qazaqstan halqyna» qoǵamdyq qory 16,1 mıllıard teńgeden astam somaǵa ómirge qaýip tóndiretin jáne sozylmaly syrqaty bar 236 naýqasty dárilik zattarmen qamtamasyz etti. Olardyń 230-sy sırek kezdesetin (orfandyq) aýrýlary bar, olardyń ishinde 204-i bala.