Qazaqstan halqyna qory bilim granty ıegerleriniń tizimin jarııalady

NUR-SULTAN. QazAqparat – «Qazaqstan halqyna» qoǵamdyq qory qarjylandyratyn bilim granttaryn 758 talapker aldy, dep habarlaıdy QazAqparat tilshisi qordyń saıtyna silteme jasap.

««Qazaqstan halqyna» qoǵamdyq qory bilim berý granttary qaıyrymdylyq baǵdarlamasy aıasynda granttardy bólý jónindegi táýelsiz komıssııa joǵary oqý oryndarynyń aqyly bólimderinde bilim alatyn 758 stýdenttiń ótinimin maquldady.

Sonymen qatar, bólinbegen granttardy jáne stýdentterdiń ótinimderdi qabyldaý merzimin uzartý týraly kóptegen ótinishin eskere otyryp, «Qazaqstan halqyna» qory qosymsha baıqaý jarııalaý týraly sheshim qabyldady. Baıqaý 2022 jyldyń 8-20 qyrkúıegi aralyǵynda júrgiziledi», - dep kórsetilgen qordyń resmı saıtyndaǵy habarlamada.

Eske salaıyq, búgin 125 myń qazaqstandyq el kolledjderinde oqýǵa grant alǵanyn habarlap edik. Bıyl oqýǵa túsken stýdentterdiń kópshiligi ınjenerııa, bilim berý, qurylys, týrızm, qonaq úı bıznesi sııaqty salalardy tańdaǵan.