«Qazaqstan halqyna» qory arqyly álemdegi eń qymbat dárini kimder aldy

NUR-SULTAN. QazAqparat – Qazaqstan halqyna qory arqyly omyrtqa bulshyqetiniń artrofııasyna qoldanylatyn Zolgensma preparatyn alǵan naýqastardyń aty-jóni belgili boldy, dep habarlaıdy QazAqparat tilshisi.

«Ótken aptada álemdeggi eń qymbat jáne Qazaqstan aýmaǵynda tirkelmegen Zolgensma preparaty tuńǵysh ret elimizde omyrtqa bulshyqetiniń atrofııasy dıagnozy bar naýqasqa qoldanyldy. Birinshi bolyp dárini omyrtqa bulshyqetiniń atrofııasy dıagnozymen dúnıege kelgen tórt aılyq Aınamkóz Aısına aldy. Dárini aǵzaǵa engizý jáne ońaltý sharasy sátti ótti. Qazir náreste týǵan qalasynda. Biz onyń otbasyna habarlastyq. Dári qabyldaǵannan keıin sábıdiń jaǵdaıy turaqtanǵan», - deıdi «Qazaqstan halqyna» qorynyń ókili Aıkerim Esenáli.

Odan bólek Fatıma Asqar esimdinaýqas ta atalǵan dárini qoldaný múmkindigine ıe bolǵan.

«Ol osy aptanyń sońyna deıin «Novartıs» kompanııasynan satyp alǵanǵan Zolgensma preparatynyń eki ekpesin alýǵa tıis. Amına Súleımen men Aısezim Jańbyrbaıǵa da osy dári salynady», - dep jazylǵan qordyń baspasóz qyzmeti usynǵan málimette.

QR Densaýlyq saqtaý mınıstrligi Ulttyq ana men bala ortalyǵyn jáne «University Medical Center» korporatıvtik qorynyń medıtsına ortalyǵyn «Qazaqstan halqyna» qory arqyly satyp alynǵan Zolgensma dárisin tıisti 4 balanyń aǵzasyna engizetin mekeme retinde belgilegen.

Shveıtsarııanyń Novartis kompanııasy shyǵaratyn Zolgensma preparaty Gınnestiń rekordtar kitabynda álemdegi eń qymbat dári bolyp tirkelgen.