«Qazaqstan halqyna» qory Aqmola oblysynda alǵashqy tirek mektepti jabdyqtady
Orta mektep qordyń «Aýyldyq jerlerde tirek mektepterdiń áleýetin damytý» qaıyrymdylyq jobasyna qatysýshy 17 tirek mekteptiń alǵashqysy.
17 tirek mektepti jabdyqtaýǵa «Qazaqstan halqyna» qorynan 4,25 mlrd teńge bólingen. Elimizdiń 17 óńirinde (NZM) oqytý ádistemesi boıynsha aýyldyq tirek mektepter jabdyqtalyp, olardyń árqaısysyn jaraqtandyrýǵa 250 mln teńgeden baǵyttalady. Jobany iske asyrý aýyl oqýshylaryna ózderi turatyn jerde sapaly bilim alýǵa, sondaı-aq bilim berý resýrstaryn shoǵyrlandyrýǵa múmkindik beredi.
12 qyrkúıekte osyndaı tirek mektepterdiń biriniń tusaýkeserine «Qazaqstan halqyna» qoǵamdyq qorynyń basqarma tóraǵasy Bolat Jámishev, «Beeline Qazaqstan» bas atqarýshy dırektory Evgenıı Nastradın, «NZM» DBBU basqarma tóraǵasy Kúlásh Shámshıdınova, Bilim berýdi turaqty damytý qorynyń quryltaıshysy, Aitas holdınginiń basshysy Serik Tolyqpaev, Aqmola oblysy ákiminiń orynbasary Eldos Ramazanov jáne BAQ ókilderi qatysty.
Mektepte 39 kabınet pen úı-jaı jańartylyp, jıhaz ben jabdyqtar jıyntyǵy, oqytýdyń tehnıkalyq quraldary, qural-saımandar men kerek-jaraqtar, kórsetý quraldary, sándik-kórkem buıymdar, baspa quraldary satyp alyndy. Sonyń ishinde beıne qabyrǵa men aqparattyq kıosk, art-stýdııa, onlaın sabaqtar men sheberlik sabaqtaryn jazýǵa arnalǵan telestýdııa, sheberhanalar bar. Qazir sabaqtar ınteraktıvti panelderdi, jańa qurylǵylar men demonstratsııalyq materıaldardy qoldana otyryp júrgizilýde. Sondaı-aq oqý ornynda mektep jasyna deıingi balalarǵa arnalǵan shaǵyn ortalyq bar.
«16 qyrkúıekte «Qazaqstan halqyna» qory ulttyq qaıyrymdylyqtyń І konferentsııasynyń qorytyndy otyrysyn ótkizedi. Osy konferentsııa aıasynda biz 1173 ÚEU ókilderiniń qatysýymen 43 zoom-konferentsııa ótkizdik. Barlyq óńirde 20 dóńgelek ústel uıymdastyrylyp, oǵan 3000 azamat qatysty. Qor baǵdarlamasynyń tujyrymdamasyn, prospektisin jáne azamattyq qoǵamnyń usynystaryn talqyladyq. Dóńgelek ústelderde aıtylǵan mańyzdy baǵyttardyń biri – aýyl bilimin damytý. Aýyldyq bilim berýdi qoldaý qajet degende, eń aldymen, tirek mektepterdi kóterý kerek. Bul týraly «Bilim týraly» zańynda da aıtylǵan. Bul mektepter jaqyn mańdaǵy aýyl mektepteri úshin demeý bolýǵa tıis. Qazir halyqtyń jartysyna jýyǵy aýyldyq jerde turady. Sondyqtan aýyl oqýshylary qaladaǵy qurdastary sekildi múmkindikterge ıe bolýy kerek», - dep atap ótti Bolat Jámishev.
Mektepterdegi ózgeristerdi alǵashqylardyń biri bolyp oqýshylardyń ózderi baǵalady. Mektepte barlyǵy 365 bala bilim alyp, 45 muǵalim sabaq beredi.
«Jazǵy demalystan oralyp, mektepke kelgenimizde qatty tań qaldyq. Barlyq jerge zamanaýı jıhaz, jańa quraldar qoıylǵan. Árbir kabınet erekshe jasalǵan. Úzilis kezinde oıyndarǵa arnalǵan jeke oryndar bar. Bizge bári unap otyr. Endi jaqsy oqýymyz kerek», – degen oıyn aıtty 6 synyp oqýshysy Tomırıs Kıizbaı.
Joba boıynsha operatsııalyq shyǵyndardy «Qazaqstan halqyna» qorynyń seriktesi – Bilim berýdi turaqty damytý qory óz moınyna aldy. Bólingen 4,25 mlrd teńgeniń 2 mlrd teńgesin «Beeline Kazakhstan» kompanııasy jibergen. Jobanyń bas seriktesteriniń biri –«NZM» DBBU. Mektep barlyq qurylymdyq bólimshelerimen birge aýyldyq mektepke tegin ádistemelik qoldaý kórsetip, muǵalimderdiń biliktiligin arttyrady. Aıta ketý kerek, pedagogterdi oqytý jáne kabınetterdi jabdyqtaý kezinde NZM tájirıbesi men usynystary paıdalanyldy.
«Biz qajetti jabdyqtarmen qamtamasyz etip qana qoımaı, eń mańyzdysy – tirek mektepterdi qurý jáne damytý jónindegi jobada ozyq bilim berý áleýeti bar NZM resýrstaryn da paıdalanatyn bolamyz. Osylaısha, aýyl mektepterine úzdik pedagogıkalyq tájirıbeler men ádistemeler engiziletin bolady», - dep atap ótti «Qazaqstan halqyna» qorynyń basshysy Bolat Jámishev.
NZM kúshimen qazan aıynda mektepte oqý-tárbıe jumysynyń barlyq aspektilerin keshendi zertteý bastalyp, oqý ornynyń qyzmetin jaqsartý úshin taldaý toby qurylady.
Bıyl jyl sońyna deıin seriktesterdiń qatysýymen qordyń «Aýyldyq jerlerdegi tirek mektepterdiń áleýetin damytý» qaıyrymdylyq jobasy aıasynda elimizdiń ózge óńirlerde 16 aýyldyq tirek mektep jańǵyrtylady.
Al 17 qyrkúıekte Qatarkóldegi mektepte Ashyq esik kúni uıymdastyrylyp, onda ata-analar, qoǵam pen sarapshylar qaýymdastyǵynyń ókilderi, jaqyn mańdaǵy aýyldardyń ustazdary men oqýshylary tirek mekteptiń áleýetimen tanysa alady.
Eske salsaq, «Qazaqstan halqyna» qoǵamdyq qory 16 qyrkúıekte elordada Ulttyq qaıyrymdylyq boıynsha І konferentsııanyń qorytyndy otyrysyn ótkizedi.
Jıyn – ulttyq qaıyrymdylyqty damytý máseleleri boıynsha memleket, bıznes jáne ÚEU arasyndaǵy dıalog alańy. «Qazaqstan halqyna» qorynyń nysanaly baǵyttaryn, otandyq qaıyrymdylyq salasynyń ınnovatsııalyq ádisterin, máseleleri men progressıvti sheshimderin talqylaý josparlanýda.