«Qazaqstan halqyna qory» 191 tirek mektepti jabdyqtaýǵa 250 mln teńgeden aqsha bóledi
«Bizdegi eń iri qus fabrıkasyn ustap otyrǵan «Aitas Kz» aktsıonerlik qoǵamy qolǵa alǵan jobany kórdik. Onyń ıesi ózi týǵan Katonqaraǵaı aýdanynda, qus fabrıkalary ornalasqan eldi mekenderde 5 mektepti Nazarbaev zııatkerlik mektepteriniń deńgeıinde jabdyqtaý úshin 250 mln teńgeden aqsha jumsaǵan. Nazarbaev mektepteri kómek retinde muǵalimderdi ázirlep bergen. Bylaısha aıtqanda, osy 5 mektep Nazarbaev zııatkerlik mektepteriniń aýyldardaǵy fılıalyna aınalǵan. Aýylda múldem basqa deńgeıdegi biliktilik ortalyǵy paıda bolǵany óte jaqsy. Biz Qazaqstan boıynsha 191 «tirek mektepti» anyqtadyq. Olarǵa 595 shaǵyn jıyntyqty mektep baılanǵan», - dedi ol.
Qor tóraǵasynyń paıymynsha, atalǵan 191 tirek mektep arqyly 595 shaǵyn jıyntyqty mekteptiń bilim sapasyn kóterýge bolady.
«Bul jerde Nazarbaev zııatkerlik mektebiniń pedagogterdi daıyndaýǵa keliskeni mańyzdy. Biz ár mektepke 250 mln teńgeden bóle alamyz. Biraq muǵalimderdiń biliktiligi saı bolmasa, jabdyqtalý deńgeıin kótergennen paıda az. Sondyqtan biz Nazarbaev mektebiniń qoldaýynsyz bul jobaǵa barmaımyz dep sheshtik. Olar kelisti. Biz olarǵa ózderi jınaqtaǵan pedagogıkalyq tájirıbeni aýyldarǵa aparýǵa múmkindik bermekpiz», - dedi Bolat Jámishev.
Áýeli pılottyq joba aıasynda ár oblystan bir-bir mektep tańdap alynǵan eken.
«Olarǵa oblystyq deńgeıdegi Nazarbaev mektepteriniń áleýetin paıdalanamyz. 17 mektepti osy jobaǵa qosyp, jumys isteıtinin túsingen soń taǵy 63 tirek mekteptiń jobasyn maquldadyq. Bıyl osy 63-tiń basym bóligi jabdyqtalyp bitedi. Al muǵalimderdi daıarlaýǵa 3 jyl kerek. Biz aqshany jabdyqtaýǵa qajetti quraldar men qondyrǵylardy shyǵaratyn zaýyttarǵa tikeleı tóleımiz. «Aitas Kz» qurǵan qor uıymdastyrý máseleleriniń bárin óz moınyna alyp otyr. Nazarbaev mektepteri bıýdjetten bólinetin qarajaty esebinen mamandardy daıarlaıdy. Kelesi jyly taǵy 121 tirek mektepti osy júıemen jabdyqtaımyz, al Nazarbaev mektepteri mamandardy daıarlaıdy, «Aitas Kz» qurǵan qor uıymdastyrý máselelerin retteıdi. Osylaı kelisip otyrmyz. ıAǵnı, kelesi jyly aýdan ortalyqtarynyń bárinde jáne 27 monoqalada 191 tirek mektepti jabdyqtap bitiremiz», - dedi ol.