«Qazaqstan halqyna» qory 18 óńirde balalar neırohırýrgııasy qyzmetin damytady
Qaýipsiz neırohırýrgııalyq emdeýdiń zamanaýı tehnologııalaryn transfertteý úshin jaǵdaılar jasalady. «Ulttyq neırohırýrgııa ortalyǵy» AQ óńirlerde operatsııa kezinde naýqastardy qaýipsiz neırohırýrgııalyq emdeý boıynsha zamanaýı tájirıbeler men tásilder transfertin jalǵastyrýǵa múmkindik alady. Bul ortalyqqa josparly neırohırýrgııalyq kómekke kútý paraǵyndaǵy kezektilikti birtindep tómendetedi.
Sondaı-aq, jobanyń «Ulttyq neırohırýrgııa ortalyǵy» AQ-ǵa gıbrıdti operatsııa bólmesinde mı patologııasy kezinde neırohırýrgııanyń zamanaýı joǵary tehnologııalyq ádisterin engizý mindeti bar.
Óńirlerde neırohırýrgter sanynyń artýymen mamandardy oqytý jáne medıtsınalyq tehnologııalar transferti arqyly balalarǵa neırohırýrgııalyq qyzmetterge qoljetimdilikti jaqsartý múmkindigi paıda boldy. Bul rette, balalar neırohırýrgııalyq tósekteri bar 21 densaýlyq saqtaý uıymynda tıisti jabdyq (qazirgi zamanǵy kranıotomdar jáne neıromonıtorıng) jetispeıdi, bul óz kezeginde «qaýipsiz hırýrgııa» tehnologııasynyń transfertin júzege asyrýǵa múmkindik bermeıdi.
«Qazaqstan halqyna» qory jobany iske asyrý aıasynda balalar neırohırýrgııalyq qyzmetin damytý úshin medıtsınalyq jabdyqtar satyp alý boıynsha qaıyrymdylyq kómek kórsetedi. Elimizdiń 18 óńirinde aýrýhanalardyń neırohırýrgııalyq bólimshelerin jalpy quny 3,43 mlrd teńgege jabdyqtaý kózdelgen.
Jobada neıromonıtorıng, beıneendoskopııalyq tirekter, kranıotomdar, neırohırýrgııalyq quraldar jıyntyǵy, basyn bekitý júıesi bar operatsııalyq ústelder, qos josparly angıografııalyq júıesi bar gıbrıdti operatsııalyq bólme bóliginde jaraqtandyrý josparlanyp otyr.
Aqmola, Almaty, Abaı, Aqtóbe, Atyraý, Jambyl, Qaraǵandy, Qostanaı, Qyzylorda, Shyǵys Qazaqstan, Batys Qazaqstan, Mańǵystaý, Pavlodar, Ulytaý, Soltústik Qazaqstan, Túrkistan oblystarynyń, sondaı-aq Astana jáne Almaty qalalaryndaǵy barlyǵy 21 medıtsınalyq uıym jobanyń qaıyrymdylyq alýshylary bolyp aıqyndaldy.