Qazaqstan halqy N.Nazarbaevqa qaltqysyz senedi - «Bolashaq» baǵdarlamasynyń túlegi Ǵ.Nyǵymetov

ASTANA. QazAqparat - Men baǵdarlama túlegi retinde Qazaqstan halqy Assambleıasynyń kezekten tys saılaý ótkizý týraly usynysyn qoldaımyn, dep málimdedi «Halyqaralyq baǵdarlamalar ortalyǵy» AQ prezıdenti Ǵanı Nyǵymetov.

- Qazaqstannyń álemdik arenada moıyndalýy Memleket basshysynyń basshylyǵymen táýelsizdiktiń eleń-alańynda bastalǵan kóptegen júıeli reformalardyń arqasynda boldy. Postkeńestik keńistik elderi tarıhynda alǵash ret Prezıdent Nursultan Nazarbaevtyń bastamasymen talantty jastardyń shetelderde bilim alý múmkindigi ashyldy. «Bolashaq» stıpendııasy onyń túlekteriniń mansaptyq oıdaǵydaı ósýine jáne ksáibı bilimderin júzege asyrýyna jol ashty. Búginde «Bolashaq» qazaqstandyq eńbek naryǵynyń joǵary bilikti kadrlarǵa degen muqtajyn qamtamasyz etýge múmkindik beredi, olar alǵan bilimderi men ozyq sheteldik tájirıbeni is júzine asyra alady. Sondyqtan da baǵdarlama túlegi retinde men Qazaqstan halqy Assambleıasynyń saılaý ótkizý jónindegi usynysyn tolyǵymen qoldaımyn, el halqy óz Prezıdentine qaltqysyz senedi», - dedi «Bolashaq» baǵdarlamasynyń túlegi (Monterey Institute of International Studies, SShA).