Qazaqstan halqy qartaıyp barady
Elimizde de búkil álemdegideı halyqtyń qartaıýy baıqalady.
Máselen, 2022 jyldyń basynda 65 jáne odan joǵary jastaǵy áıelderdiń úlesi 10,1 paıyzǵa jetti. Al 10 jylda ol nebári 8,2 paıyzdy qurady.
Sonymen qatar, onjyldyqta 65 jastan asqan erlerdiń úlesi 4,8-den 6,1 paıyzǵa deıin ósti.
BUU boljamynsha Qazaqstanda da qarttyqtyń demografııalyq aýyrtpalyq koeffıtsıenti ulǵaıady. Máselen, 2022 jyly bul koeffıtsıenttiń máni 12,9 paıyzdy quraǵan. 2025 jylǵa qaraı araqatynas – 14,1, 2030 jylǵa qaraı — 15,9, 2040 jylǵa qaraı — 17,1, 2050 jylǵa qaraı 19 paıyzǵa jetedi.
Osy úrdisti eskersek, elimizdegi jınaqtaýshy zeınetaqy júıesi eń utymdy nusqa ekeni baıqalady.
Óıtkeni ol memlekettik bıýdjetke túsetin aýyrtpalyqty azaıtyp, keleshekte jıyntyq zeınetaqynyń mólsherin ulǵaıta alady.
Jalpy, halyqtyń qartaıýy — XXI ǵasyrdaǵy basym úrdisterdiń biri. Munyń qoǵam úshin mańyzdy jáne aýqymdy saldary bar.
Halyqtyń jalpy sanyndaǵy egde jastaǵy adamdardyń úlesiniń artýy barlyq elderde derlik baıqalady. BUU boljamy boıynsha aldaǵy onjyldyqtarda 65 jáne odan joǵary jastaǵy adamdar sany dúnıe júzinde eki eseden asady.
ıAǵnı, 2021 jylǵy 761 mln-nan 2050 jyly 1,6 mlrd adamǵa deıin jetedi. 80 jastan asqandar sany budan da jyldam ósedi.