Qazaqstan halqy ertegileriniń qazaq tilindegi jınaǵy jaryq kórdi

NUR-SULTAN. QazAqparat - Aqparat jáne qoǵamdyq damý mınıstrliginiń bastamasymen balalarǵa arnalǵan Qazaqstan halqynyń ertegiler jınaǵy jaryq kórdi, dep habarlaıdy QazAqparat atalmysh vedomostvonyń Facebook-taǵy paraqshasyna silteme jasap.

Elimizdiń túrli etnostarynyń ádebı murasy retinde «Qazaqstan halqy ertegileri» kitaby Qazaqstan halqy Assambleıasynyń etnomádenı birlestikteriniń ókilderimen birge alǵash ret qazaq tilinde shyǵaryldy.

Jınaqqa Qazaqstannyń káris, nemis, sheshen-ıngýsh, evreı, grek, mordva, lıtva, polıak jáne t.b. 25 iri etnostarynyń 114 halyq ertegileri endi. Kitap jalpy taralymy 4 000 dana (ár bóligi 2 000 danadan) eki tomnan turady (4-7 jáne 8-11 jastaǵy balalarǵa arnalǵan).

Maqsatty aýdıtorııany jáne jınaq mazmunynyń sáıkestigin anyqtaý úshin Y. Altynsarın atyndaǵy Ulttyq bilim berý akademııasynda saraptama júrgizildi.