Qazaqstan halqy búgingi jaýapkershilik tanytýy kerek – Smaǵul Elýbaı

ALMATY. QazAqparat – Almatyda jazýshy, kınodramatýrg, Qazaqstannyń eńbek sińirgen qaıratkeri Smaǵul Elýbaı N301 saılaý ýchaskesinde daýys berdi, dep habarlaıdy QazAqparat tilshisi.

Jazýshy búgingi ótip jatqan saılaýǵa jurttyń yqylasy bólek ekenin aıtty.

«Biz buryn da talaı saılaýǵa barǵanbyz. Ol kezde bireý zorlap aparǵandaı, saılaýda jurttyń kóńili samarqaý bolatyn. Al búgingi saılaýǵa jurttyń yqylasy bólek. Ásirese, sońǵy aıdyń ishinde saıası naýqanda úmitkerlerdi usyný kezinde qulshynys, yntymaqtastyq zor boldy. Sondaı-aq Qazaqstan halqyna, saılaýshylarǵa qaı partııany, kimdi saılaýǵa erik berildi. Halyq osy sátti durys paıdalanyp, jaýapkershiligin tanytýy kerek. Sebebi, biz saılaǵan adam erteń Parlament Májilisinde bizdiń daýysymyzdy shyǵarady, bizdiń atymyzdan sóıleıdi. Endeshe osy Konstıtýtsııalyq quqyǵymyzdy durys paıdalanaıyq», - dedi jazýshy Smaǵul Elýbaı.

Eske salaıyq, búgin elimizde Parlament Májilisiniń jáne jergilikti máslıhattar depýtattaryn kezekten tys saılaý ótip jatyr. Almatyda saılaý ýchaskeleri tańǵy 07:00-de (arnaıy mekemelerden bólek) ashyldy. Daýys berý keshki 20:00-ge deıin jalǵasady. Shaharda 602 saılaý ýchaskesi jumys isteýde.