Qazaqstan halqy Assambleıasynyń XXVI sessııasy ótedi

ASTANA. QazAqparat - 2018 jylǵy 28 sáýirde saǵat 15.00-de Astana qalasyndaǵy Beıbitshilik jáne kelisim saraıynda Qazaqstan Respýblıkasynyń Prezıdenti, Qazaqstan halqy Assambleıasynyń Tóraǵasy Nursultan Ábishuly Nazarbaevtyń tóraǵalyq etýimen «Bes áleýmettik bastama - qoǵamnyń áleýmettik birliginiń tuǵyry» degen kún tártibimen Qazaqstan halqy Assambleıasynyń XXVI sessııasy ótedi.Sessııa sońynda saltanatty kontsert ótedi.    

XXVI sessııanyń jumysyna 1 500-den astam adam qatysady.

Olardyń qatarynda eldiń barlyq óńirlerinen kelgen Assambleıanyń ardagerleri, respýblıkalyq jáne óńirlik etnomádenı  birlestikterdiń tóraǵalary, Parlament depýtattary, ortalyq atqarýshy organdardyń, saıası partııalardyń, dinı birlestikterdiń, úkimettik emes uıymdardyń basshylary, JOO rektorlary, shet memleketterdiń dıplomatııalyq mıssııalarynyń, ǵylymı, shyǵarmashyl zııaly qaýymnyń jáne BAQ-tyń ókilderi bar.

QHA XXVI sessııasynyń qarsańynda, 2018 jylǵy 27 sáýirde, Qazaqstan Respýblıkasynyń Memlekettik hatshysy Gúlshara Ábdiqalyqovanyń qatysýymen, Assambleıa Keńesiniń keńeıtilgen otyrysy ótip, onyń barysynda QHA qyzmetiniń birqatar ózekti máseleleri qaralatyn bolady.