Qazaqstan halqy Assambleıasynyń ókilderi el turǵyndaryn Naýryz meıramymen quttyqtady
«Qurmetti otandastar!
Qazaqstan halqy Assambleıasy sizderdi kóktemgi jańarý merekesi - Naýryz meıramymen shyn júrekten quttyqtaıdy!
Bizdiń elimizde Naýryz meıramyn toılaý Uly Dalanyń myńjyldyq tarıhynyń tereńinen bastaý alatyn ózindik erekshe dástúrlerge ıe. Ata-babalarymyz kún men túnniń teńelý kúnin «Ulystyń uly kúni» dep ataǵan, bul qazaq halqynyń osynaý tabıǵı órkendeý kezeńine bergen mańyzdylyǵyn kórsetedi.
Búgingi kúni merekeniń negizgi qaǵıdalary ózgerissiz - bul adamdardyń ál-aýqaty men birligi, gýmanızm men yntymaqtastyq qundylyqtaryn bekitý, beıbitshilik pen kelisimdi saqtaý.
Táýelsizdiktiń 30 jyldyǵynda Naýryz meıramy ýaqyt pen urpaqtyń úzdiksiz baılanysyn sezinýge múmkindik beredi. Onda halyqtyq dástúrler men qazirgi zamannyń úılesimi bolyp tabylatyn jańǵyrǵan ulttyq mádenıet pen ónerdiń baılyǵy kórinis tappaq.
Qymbatty dostar!
Kóktemniń meıirimdi jáne súıikti merekeleriniń biri - Naýryz Sizge jáne sizdiń otbasyńyzǵa zor densaýlyq, baqyt, mahabbat, gúldený, qýanyshty jańalyqtar men jarqyn kúlki syılasyn!
Úılerińiz árdaıym súıispenshilikke bólene bersin!
Ulys oń bolsyn! Aq mol bolsyn!»,-delingen qutyqtaýda.