Qazaqstan halqy Assambleıasynyń modeli - beıbitshilik pen ultaralyq tatýlyqtyń sımvolyna aınaldy - L. Nı
«Bıylǵy jyl, Qazaqstan Prezıdenti Nursultan Nazarbaevtyń bastamasymen Qazaqstan halqy Assambleıasynyń jyly bolyp jarııalanǵan bolatyn. Sondyqtan, Assambleıa basshylyǵy jyl boıy mańyzdy sharalar uıymdastyrdy. Oǵan etnomádenı birlestikterdiń ókilderi, memleket, qoǵam, mádenıet jáne óner qaıratkerleri belsene qatysty. Ózderińizge belgili, Qazaqstan halqy Assambleıasynyń qurylymy - Elbasynyń ǵalamdyq bastamasy. Búgingi tańda bul model búkil álemge tanyldy. Bıylǵy jyl bul júıeniń ómirsheńdigin kórsetti. Biz osydan bir aı buryn Máskeýde ótken Reseı halyqtary Assambleıasynyń forýmyna qatysyp qaıtqan bolatynbyz. Kórshiler Elbasymyzdyń mundaı bastamasynyń aldynda bastaryn ıetindigin jáne kópultty memlekette beıbitshilik pen ultaralyq kelisimdi qalaı saqtaý kerektigin bizden úırený qajettigin ashyq aıtty. Bul biz úshin úlken jetistik. Bul jerde men zııaly qaýym ókilderin erekshe atap ótkim keledi. Elbasy usynǵan bes ınstıtýtsıonaldyq reformada bolashaǵy birtutas ultty qalyptastyrý jóninde aıtylǵan. Muny júzege asyrýda zııaly qaýym ókilderine úlken jaýapkershilik júkteıtindigin aıtqym keledi», - dedi L. Nı.
Sondaı-aq, Lıýbov Nı qazirgi tańda elimizde Qazaqstan halqy Assambleıasy aıasynda júzege asyrylǵan barlyq áleýmettik jobalardyń birinshi kezekte beıbitshilik pen ultaralyq tatýlyqty nyǵaıtýǵa baǵyttalǵandyǵyn aıtty.
«Qazir álemde qarjy daǵdarysy ýshyǵyp tur. Biraq soǵan qaramastan bizdiń bolashaqqa degen senimimz mol. Biz Ult jospary «100 naqty qadamdy» júzege asyrý arqyly daǵdarysty oıdaǵydaı eńseretin bolamyz», - dedi L. Nı.