Qazaqstan halqy Assambleıasynyń bedeli 85 paıyzǵa artty - E.Toǵjanov

ASTANA. QazAqparat - Baılanys jáne aqparat qyzmetkerleri kúni qarsańynda elordalyq Táýelsizdik saraıynda Qazaqstan halqy Assambleıasy jýrnalısteri men sarapshylary klýbynyń otyrysy ótti.

Otyrysta sóz alǵan QHA tóraǵasynyń orynbasary, hatshylyǵynyń meńgerýshisi Eraly Toǵjanov Assambleıanyń qoǵamdaǵy rólin atap ótti. «Sońǵy áleýmettik derekter boıynsha Assambleıanyń bedeli 85 paıyzǵa artty. Bul keremet nátıje. Qazaqstan men halyqaralyq keńistikte bolyp jatqan saıası úrdister geosaıası ólshemde kúlli álemge N.Nazarbaevtyń úlgisi - kelisim, birlik úlgisi sátti engizilgenin taǵy bir márte rastady. «100 qadam» josparynyń aıasynda QHA aldyna qoıylǵan mindetter kóp. Bul elimizdiń birtektilik pen birlik reformalary. Bul jumystardyń barlyǵy QHA-yna júkteldi», - dedi E.Toǵjanov. Otyrys barysynda Ult josparyn aqparattyq súıemeldeý konteksinde jýrnalıstik qaýymdastyq aldynda turǵan jańa mindetter talqylandy. Sharanyń sońynda klýb múshelerin, respýblıkalyq, aımaqtyq BAQ jýrnalısterin «Qazaqstan halqy Assambleıasyna 20 jyl» mereıtoılyq medaldarymen marapattaý saltanatty rásimi ótti.