Qazaqstan halqy Assambleıasynyń 2026 jylǵa deıingi damý tujyrymdamasy ázirlendi
«Byltyr bizdiń salada 20 irgeli is-shara ótti, onyń 8-i álemdik beldi sarapshylardyń, belgili ǵalymdar men saıasatkerlerdiń jáne halyqaralyq uıym ókilderiniń qatysýymen uıymdastyryldy. Dıplomatııalyq mıssııalar men halyqaralyq uıymdardyń basshylarymen 60-tan astam ekijaqty kezdesý ótkizdik. Etnosaralyq jáne konfessııaaralyq kelisimdi, berekeli birligimizdi nyǵaıtý – bizdiń basty maqsattarymyzdyń biri. Prezıdent tapsyrmasyna oraı, Qazaqstan halqy assambleıasynyń 2022-2026 jyldarǵa arnalǵan damý tujyrymdamasy ázirlendi», - dedi D. Qydyráli mınıstrliktiń keńeıtilgen alqa otyrysynda.
Sonymen birge, elimizdiń saıası ómirindegi mańyzdy is-sharalardyń biri – 50 elden júzden astam delegatsııa qatysqan Álemdik jáne dástúrli dinder kóshbasshylarynyń sezi boldy.
«Kongress kezinde Rım papasy Frantsısktiń elimizge memlekettik sapary da mańyzdy oqıǵa boldy. Qazirgi ýaqytta Álemdik jáne dástúrli dinder lıderleri seziniń 2023-2030 jyldarǵa arnalǵan damý tujyrymdamasy ázirlenýde», - dedi Aqparat jáne qoǵamdyq damý mınıstri.