Qazaqstan halqy Assambleıasyna arnalǵan 100 jáne 200 teńgelik monetalar shyqty

NUR-SULTAN. QazAqparat – QR Ulttyq banki melhıor qospasynan nomınaly 200 teńgelik jáne neızılber qospasynan nomınaly 100 teńgelik «Qazaqstan halqy Assambleıasy» kollektsııalyq monetalaryn aınalysqa shyǵarady, dep habarlaıdy QazAqparat.

Monetalardy shyǵarý Qazaqstan halqy Assambleıasynyń 25 jyldyǵyna oraılastyrylǵan

Monetalardyń bet jaǵynda (aversinde) ortalyq bóliginde Qazaqstan Respýblıkasynyń memlekettik Eltańbasy beınelengen. Sol jáne oń jaǵynda - ulttyq oıý-órnek elementteri. Neızılberden jasalǵan monetanyń tómengi bóliginde nomınalyn bildiretin «100 TEŃGE» jazýy bar, al melhıordan jasalǵan monetanyń astynda «200 TEŃGE» jazýy ornalasqan. Aınaldyra «QAZAQSTAN ULTTYQ BANKI • NATIONAL BANK OF KAZAKHSTAN» dep jazylǵan.

Monetalardyń syrtqy jaǵynda (reversinde) kún sáýlesiniń aıasynda oqıǵanyń mereıtoılyq kúnin bildiretin «25» jazýy bar oıý-órnek kartasy ornalasqan. Keskinniń astynda QHA-nyń qurylǵan jylyn jáne shaqanyń soǵylǵan jyly men mereıtoı datasyn bildiretin «1995•2020» jazýy bar. Tómengi bóliginde Memlekettik tý elementi ornalasqan. Aınaldyra «QAZAQSTAN HALQY ASSAMBLEIASY» jáne «ASSAMBLEıA NARODA KAZAHSTANA» dep jazylǵan.

Tehnıkalyq ólshemderi:

«Rroof-like» sapaly monetalar MN 25 melhıor qospasynan, massasy 15 gramm, dıametri 33 mm, nomınaly 200 teńgelik, 3000 danamen daıyndaldy.

«Uncirculated» sapaly monetalar MNTs 15-20 MNTs 15-20 qospasynan, massasy
11,17 gramm, dıametri 31 mm, nomınaly 100 teńgelik, 50 000 danamen daıyndaldy.

Qazaqstan teńge saraıynda daıyndalǵan monetalar kollektsııalyq quny boıynsha satýǵa arnalǵan.

«Nomınaly 200 teńgelik jáne 100 teńgelik kollektsııalyq monetalar tólemderdiń barlyq túrleri boıynsha Qazaqstan Respýblıkasynyń búkil aýmaǵynda olardyń belgilengen qunymen qabyldanýǵa, sondaı-aq bank shottaryna esepke alynýǵa jáne aýdarylýǵa mindetti. Qazaqstan Respýblıkasynyń barlyq bankterinde shekteýsiz usaqtalady jáne aıyrbastalady», - dedi UB-dan.