Qazaqstan halqy Assambleıasy jergilikti polıtsııanyń jumysyn baǵalamaq

ASTANA. QazAqparat - Qazaqstan halqy Assambleıasy endi jergilikti polıtsııanyń jumysyn baǵalaıdy. Bul týraly búgin Ortalyq kommýnıkatsııalar qyzmetinde ótken brıfıng barysynda QHA atynan Məjilis depýtaty Ahmed Mýradov aıtty.

"Qazaqstan halqy Assambleıasy týraly" Zańǵa engizilgen ózgeristerge səıkes, Assambleıa sessııasynyń sheshimi bılik organdarynyń barlyǵyna, əsirese, QHA keńesine múshe oblys əkimderine, birqatar memlekettik organdardyń jetekshilerine mindetti bolady. Joǵaryda aıtqan zań Assambleıa jetekshilerinen QHA tóraǵasy aldynda, QR Prezıdenti aldynda jyl saıyn esep berýge mindetteledi", - dep habarlady ol. Depýtat sondaı-aq naqty zańdarǵa ózgerister engizilgenin jəne sol ózgerister tipti jergilikti polıtsııanyń jumysyna aralasýǵa múmkindik beretinin jetkizdi. "Naqty qandaı zańdarǵa ózgerister engizildi desek, bul "Qoǵamdyq keńes týraly", "Úkimettik emes uıymdar týraly", "Aqparattyń qoljetimdiligi týraly", tipti, "Jergilikti polıtsııa týraly" zańdar. ıAǵnı, Qazaqstan halqy Assambleıasy jergilikti polıtsııanyń jumysyn baǵalaıdy degen sóz. Sonymen qatar Eńbek kodeksinde jazylǵandaı, Qazaqstan halqy Assambleıasy birlik pen kelisim saqtaý úshin medıatsııa isine arasalady. Medıatsııa ınstıtýty - bizdiń qyzmetimizdiń bir bóligi", - dedi depýtat.