Qazaqstan halqy Assambleıasy UOS kezindegi qazaqstandyqtardyń erligi týraly kitap shyǵarady

ASTANA. QazAqparat - Jeńis kúni qarsańynda Qazaqstan halqy Assambleıasy UOS kezindegi qazaqstandyqtardyń erligi týraly kitap shyǵarady. Bul týraly búgin Ortalyq kommýnıkatsııalar qyzmetindegi brıfıngte QR Prezıdenti janyndaǵy «Qoǵamdyq kelisim» RMM dırektory Natalıa Kalashnıkova málim etti.

Belgili bolǵandaı, úsh tomdyq kitaptyń avtory - QHA múshesi, qazaqstandyq jazýshy UOS ardageri Leonıd Gırsh. 5 mamyrda Almatyda atalǵan kitaptyń tanystyrylymy ótedi. Onda L. Gırsh soǵys kezindegi qazaqstandyq sarbazdardyń erligi týraly keńinen baıandap beretin bolady.

Natalıa Kalashnıkovanyń aıtýynsha, sonymen qatar soǵys ýaqytynda shyqqan gazetterdiń betterinen «Uly Otan soǵysy jyldaryndaǵy qazaqstandyqtar» atty kitap-albomy daıyndalýda.

Leonıd Gırsh Stalıngrad shaıqasynyń qatysýshysy, bes ordenniń jáne 35 medaldiń ıegeri, soǵys kezeńi týraly kóptegen eńbekterdiń avtory.