Qazaqstan halqy Assambleıasy Qyzylaǵash aýylyndaǵy sý tasqynynan zardap shekkenderge materıaldyq kómek uıymdastyrdy
Bul aqparatty atalǵan uıymnyń baspasóz qyzmeti taratyp otyr.
«Elimizdegi barlyq respýblıkalyq jáne óńirlik etnomádenı birlestikter, oblystyq Dostyq úıleri jyly kıimder, azyq-túlik, dári-dármek, balalarǵa arnalǵan oqý quraldaryn jınap, oqıǵa oryn alǵan aýylǵa jetkizý jumystaryn júrgizýde», delingen baspasóz baıanynda.
Sondaı-aq habarlamada Qazaqstan halqy Assambleıasy jáne onyń Almaty, Astana qalalaryndaǵy, oblystardaǵy músheleri zardap shekken azamattarǵa arnalǵan arnaıy qorǵa birkúndik jalaqylaryn, sonymen qatar atalǵan qorǵa QR Parlamenti Májilisindegi Assambleıa atynan saılanǵan árbir depýtat 100 myń teńgeden qarjy aýdarǵandyǵy aıtylǵan.
Qazaqstan halqy Assambleıasy tarapynan Almaty oblysynda oryn alǵan tótenshe jaǵdaıdan zardap shekken turǵyndarǵa kómek kórsetý jumystary jalǵasýda.