Qazaqstan halqy Assambleıasy qaıyrymdylyq marafony jalǵasýda
21 naýryzda Qazaqstan Prezıdenti Qasym-Jomart Toqaev «bizdiń qalalarymyzdyń barlyq negizgi kóshelerinde biz azamattarǵa betperdelerdi tegin tarata alatyn bolamyz. Bul úkimet aldynda turǵan óte shuǵyl jáne jedel mindet» dep atap ótken bolatyn.
Osy úndeýge Qazaqstan halqy Assambleıasy da atsalysyp, #bizbirgemiz respýblıkalyq aktsııasy aıasynda 21-26 naýryz aralyǵynda jalpy alǵanda 3,5 mıllıon teńgege jýyq somaǵa materıaldyq kómek kórsetti, sondaı-aq 500-den astam otbasyna qoldaý kórsetip, óńirlerde 100 000-nan astam betperdeler tegin taratyldy.
2020 jylǵy 20-26 sáýir kúnderi «Biz birgemiz!» aktsııasy aıasynda Nur-Sultan qalalyq Qazaqstan halqy Assambleıasynyń músheleri az qamtylǵan kóp balaly otbasylarǵa jáne qart adamdarǵa kómek kórsetý boıynsha qaıyrymdylyq is-sharalar ótkizdi. «Parasat» qaıyrymdylyq qyzmetin úılestirý ortalyǵy kóp balaly 15 otbasyna birinshi qajettiliktegi taýarlar túrinde 150 myń teńge somaǵa kómek kórsetti. Assambleıa volonterleri zeınet jasyndaǵy adamdarǵa dári-dármek jetkizý, betperdeler taratý boıynsha aktsııalarǵa qatysty, PIK ókilderimen birge qalanyń turǵyn úıleriniń kireberisine sanıtarlyq óńdeý júrgizdi. «Biz birgemiz!» aktsııasy aıasynda 1 mln 350 myń teńge kóleminde qaıyrymdylyq kómek kórsetildi.
Naýryz meıramy qarsańynda «Vozrojdenıe» nemister qoǵamy egde jastaǵy jalǵyz basty adamdarǵa 100 dana azyq-túlik jıyntyǵyn taratty, sondaı-aq jalpy somasy 1 mln.200 myń teńgeden astam qarajatqa dári-dármekter satyp alyndy.
Almaty qalasynda Qazaqstan halqy Assambleıasynyń «Jańǵyrý joly» respýblıkalyq jastar qozǵalysynyń volonterleri, QHA músheleri men «Miss Almaty» baıqaýyna qatysýshylar metropolıten, qoǵamdyq kólik jáne ortalyq kóshelerde almatylyqtarǵa 5000 medıtsınalyq betperdelerdi tegin taratty.
Jambyl oblysynda etnomádenı birlestikter ókilderi tótenshe jaǵdaılardyń aldyn alý jáne vırýstyń taralýyna, sondaı-aq halyqtyń áleýmettik osal toptarynyń otbasylaryna kómek kórsetý boıynsha azamattyq belsendilik tanytýda. Atap aıtqanda, «Áýlıeata» qazaq mádenı ortalyǵy» qoǵamdyq birlestigi az qamtylǵan 2 otbasyna 25 000 teńge kóleminde qarjylaı kómek kórsetti. Jambyl oblystyq assambleıasynyń Analar keńesi az qamtylǵan 10 otbasyn 100 000 teńgege azyq-túlikpen qamtamasyz etti. QHA-nyń volonterler qozǵalysy «Jibek joly jastary» volonterlerimen birge qoǵamdyq qyzmetkerlerge 200-den astam qoldan jasalǵan betperdeler taratty. «Túrik etnomádenı ortalyǵy» qoǵamdyq birlestiginiń Jambyl oblystyq fılıaly 100 000 teńgege az qamtylǵan otbasylardy azyq-túlikpen qamtamasyz etti. Az qamtylǵan otbasylarǵa barlyǵy 200 betperde taratyldy, sondaı-aq 25 otbasyna 225 000 teńge kóleminde qarjylaı kómek kórsetildi.
Aqtóbe oblystyq QHA janyndaǵy «Birlik» volonterleri jáne óńirlik jastar ortalyǵy Aqtóbe oblysynyń az qamtylǵan azamattaryn azyq-túlikpen, jeke gıgıena quraldarymen jáne maskalarmen qamtamasyz etý boıynsha jumys uıymdastyrdy.
16-24 naýryz aralyǵynda Aqmola oblystyq QHA volonterleri #bizbirgemiz respýblıkalyq aktsııasy aıasynda 4 qaıyrymdylyq aktsııasyn uıymdastyryp, Uly Otan soǵysy ardagerleriniń úılerine jalpy somasy 240 myń teńgege antıseptıka quraldaryn, maskalar, dári-dármek jáne azyq-túlikter jetkizip berdi.
Pavlodar oblysynyń Qazaqstan halqy assambleıasynyń músheleri men demeýshiler azyq-túlikter jıyntyǵyn, maskalar, dezınfektsııa quraldaryn jáne t.b. taratty. Atap aıtqanda, «Vozrojdenıe» oblystyq nemister qoǵamy» qoǵamdyq birlestigi zeınetkerlerdi qoldaý jónindegi jobaǵa atsalysyp, aptasyna eki, úsh ret ystyq túski as berip, 32 azyq-túlik jıyntyǵyn taratty. Pavlodar oblysyndaǵy «Merkaz» evreı etnomádenı birlestigi qoǵamdyq oryndarda 4500 dana betperde taratty, «Býkovına» rýmyn mádenı qoǵamy» qoǵamdyq birlestigi az qamtylǵan azamattarǵa azyq-túlik jıyntyǵyn daıyndap, taratty, sondaı-aq balalar betperdelerin taratýdy uıymdastyrdy. «Vatan» ázirbaıjan qoǵamy» qoǵamdyq birlestigi Naýryz merekesine oraı 100 balaǵa konfetter jıyntyǵyn taratty.
2020 jylǵy 20 naýryzda Óskemen qalasynda «Bizdiń kúshimiz birlikte» atty aktsııa bastaldy, aktsııa aıasynda Shyǵys Qazaqstan oblysy Qazaqstan halqy assambleıasynyń volonterleri turǵyndarǵa koronovırýske «qarsy turýǵa» kómektesedi. Kásipker Saılaýuly Tileýjan ótkizgen medıtsınalyq betperdeler daıyndaý boıynsha sheberlik saǵatyna jastar qatysyp, olar óz qoldarymen jeke qorǵaný quraldaryn jasaı bastady. Jumysqa arnalǵan materıaldardy, atap aıtqanda, arnaıy matany bıznesmen tegin berdi. ShQO QHA volonterleri daıyn betperdelerdi qala turǵyndaryna taratty, olar óz densaýlyǵyna uqypty qaraý, gıgıena saqtaý jáne múmkindiginshe adamdar kóp jınalatyn jerlerge barmaý qajettiligin eske saldy. Qala turǵyndaryna 1500 dana betperde taratyldy, qazir sáýir aıynyń ortasyna deıin qosymsha 2000 dana betperde tigý josparlanǵan.
21-23 naýryz aralyǵynda Semeı qalasynda Dostyq úıiniń volonterleri tegin betperdeler taratty. Búgingi tańda jumystar jalǵasýda, 500 dana betperde naqty mekenjaılarǵa jóneltiledi. Semeı qalasynyń turǵyndaryna kóshelerde de birneshe ret betperdeler taratyldy. «Semeı medıtsınalyq ýnıversıtetiniń» rektory Ersin Júnisov Semeı qalasyndaǵy Dostyq úıiniń etnomádenı ortalyqtarynyń volonterlerine taratýǵa arnalǵan 1500 betperdeni tabys etti. «Ýnıversıtet janynda tigin tsehy jumys isteıdi, ol búginde kóp ret qoldanylatyn maskalardy shyǵarýǵa tolyq baǵyttalǵan. Olar birinshi kezekte ýnıversıtet qyzmetkerlerine jáne ýnıversıtet gospıtaliniń dárigerlerine jáne medıtsınalyq qyzmetkerlerine arnalǵan. Biraq biz barlyǵyna kómektesýimiz kerek» dep atap ótti E.Júnisov.
Besqaraǵaı aýdandyq assambleıanyń volonterlik qozǵalysy ortalyǵynyń músheleri birneshe ret qoldanýǵa bolatyn betperdelerdi qart adamdarǵa taratýdy uıymdastyrdy. Besqaraǵaı aýdany Besqaraǵaı aýylynyń volonterleri 500 dana betperde daıyndap, tegin taratty.
Katon-Qaraǵaı aýdanynda koronovırýstyq ınfektsııa jaǵdaıyna baılanysty, 21-24 naýryz aralyǵynda etnomádenı birlestikter ókilderi, Analar keńesteri, Qoǵamdyq kelisim keńesteri, volonterler betperdeler men aqparattyq paraqshalar taratý boıynsha jumys júrgizýde. Búgingi kúni 250 betperde, 95 aqparattyq paraqsha taratyldy. Volonterler qaıyrymdylyq kómekke bólingen azyq-túlik jıyntyqtary men gıgıena quraldaryn taratýǵa qatysty. Jumystar jalǵasýda.
Aǵymdaǵy jylǵy 20-23 naýryz aralyǵynda Altaı aýdanynda volonterler zeınetkerlerge 180 dana betperde taratty, 5 jalǵyz basty qart adamǵa azyq-túlik satyp alýǵa kómektesti, 250 danadan astam gazet taratty.
Glýbokoe aýdanynyń «Dostyq úıi» KMQK-de 120 dana (60 – eresekter, 60 – balalar) betperde tigilip, az qamtylǵan otbasylaryna, múgedekterge jáne tyl eńbekkerlerine taratyldy.
Shemonaıha aýdanynda koronovırýstyq ınfektsııa jaǵdaıyna baılanysty 12 800 adamdy betperdemen qamtamasyz etý josparlanýda, olardyń qatarynda kóp balaly, az qamtylǵan otbasylar, zeınetkerler bar.
Aǵymdaǵy jylǵy 19 naýryzǵa deıin ShQO QHA volonterleriniń kúshimen 5050 dana medıtsınalyq betperde taratyldy. Sonymen qatar, oblystyń ishki saıasat basqarmasy «Dıdar», «Rýdnyı Altaı» gazetteriniń arnaıy basylymyn shyǵardy, bul basylymdarda memleket tarapynan júrgizilip jatqan aldyn alý sharalary týraly maqalalar basyldy.
Etnomádenı birlestikter, QHA «Jańǵyrý joly» RJQ volonterleri Atyraý oblysynda koronovırýstyq ınfektsııanyń taralýyna jol bermeý boıynsha aldyn alý sharalaryn kúsheıtýde. Kún saıyn qart adamdar, múgedekter jáne az qamtylǵan otbasylar betperdelermen qamtamasyz etiledi, sondaı-aq azyq-túlik sebeti túrinde kómek kórsetiledi. Ýkraındyq «Dovıra» EMB eresekter men balalarǵa arnalǵan beıimdeý ortalyǵyna teledıdar, jemis-jıdekter, táttiler tapsyrdy jáne qonaqtardy betperdemen qamtamasyz etti.
Soltústik Qazaqstan oblysynda óńirde koronavırýstyq ınfektsııaǵa jol bermeýge baǵyttalǵan aldyn alý sharalaryn kúsheıtý boıynsha jumys júrgizilýde. Sonymen, volonterler, úkimettik emes uıymdardyń ókilderi adamdar kóp jınalatyn jerlerde: saýda ortalyqtarynda, medıtsınalyq mekemelerde, Petropavl qalasynyń kóshelerinde, sondaı-aq oblys aýdandarynda aqparattyq býkletter taratýdy uıymdastyrdy. Aqparatta koronavırýstyq ınfektsııany juqtyrýǵa jol bermeý jóninde saqtyq sharalary týraly aqparat bar.
Sonymen qatar, volonterler qaýip-qater tobyndaǵy qart adamdarǵa qajetti dári-dármekter men azyq-túlikterdi úıge jetkizý arqyly kómek kórsetý jumystaryn uıymdastyrdy.
Aqtóbe oblysynda koronovırýstyq ınfektsııanyń taralýyna jol bermeý boıynsha keń aýqymdy jumystar júrgizilýde, Aqtóbe oblysynda sanıtarlyq-epıdemıologııalyq jáne aldyn alý sharalaryn kúsheıtý máseleleri qaraldy, is-qımyl jospary jasaldy.
Aqtóbe oblystyq QHA «Birlik» volonterlerimen Aqtóbe oblysynyń az qamtylǵan azamattaryn azyq-túlikpen, jeke gıgıena quralymen jáne betperdelermen qamtamasyz etý boıynsha jumystar uıymdastyryldy.
Atyraý jáne Qaraǵandy oblysynda QHA jastary men Analar keńesi «Biz birgemiz» qaıyrymdylyq aktsııasyn jalǵastyrdy.
Shymkent qalalyq QHA-nyń úılestirýimen jáne etnomádenı birlestikterdiń kúsh-jigerimen jergilikti kásipkerlermen birlesip a.j. 20-26 naýryz aralyǵynda qoǵamdyq oryndarda, saıabaq aımaqtarynda jáne qoǵamdyq kólikte 9 myńnan astam medıtsınalyq betperdeler taratyldy.
Shymkent qalasy Eńbekshi aýdanynyń ózbek etnomádenı birlestiginiń músheleri 1200 dana sabyn, ylǵaldy sýlyqtar, antıseptıkter, qalaǵa kirý kezinde blok-bekette kezekte turǵan azamattarǵa medıtsınalyq qolǵaptardy tegin úlestirýdi uıymdastyrdy. Osy baǵyttaǵy jumystardy uıymdastyrý kezinde qalalyq ózbek, túrik, koreı etnomádenı birlestikteriniń músheleri belsendilik pen joǵary azamattyq jaýapkershilik kórsetti.
Koronavırýs indeti el azamattarynyń pandemııaǵa qarsy turýdaǵy birligi men uıymshyldyǵyn kórsetti.
Búgingi tańda indettiń taralýyna barsha jurt jumyla atsalysýda, ózimizdiń jáne jaqyndarymyzdyń ómiri men densaýlyǵy bizdiń óz qolymyzda. Jalpy nátıje árqaısymyzǵa baılanysty, sondyqtan # bizbirgemiz aktsııasy jalǵasýda.