Qazaqstan halqy Aqmola Assambleıasynyń belsendileri marapattaldy

KÓKShETAÝ. QazAqparat - Kókshetaýda QR Tuńǵysh Prezıdenti kúnine oraı Qazaqstan halqy Aqmola Assambleıasynyń 20-shy sessııasy ótti. Oǵan aımaq basshysy, QHA Aqmola oblystyq fılıalynyń tóraǵasy Málik Myrzalın qatysty, dep habarlaıdy QazAqparat tilshisi.

«Qoǵamdyq sanany jańǵyrtý - birlikke jáne kelisimge bastar jol» taqyrybymen ótken sessııaǵa óńirde turatyn 600-ge jýyq ult-ókilderi qatysty. Onyń ishinde «Qazaqstannyń 100 jańa esimi» jobasyna Aqmola oblysy atynan engen tulǵalar da bar.

Sessııany ashqan óńir basshysy óz sózinde Elbasy N.Nazarbaevtyń júrgizip otyrǵan salıqaly saıasatynyń arqasynda táýelsizdik alǵannan bergi jyldarda elimiz álemdik qoǵamdastyqta turaqtylyq, beıbitshilik jáne túsinistiktiń jarqyn úlgisin kórsetip kele jatqandyǵyn atap ótti.
 

«Ulystar dostastyǵy - bizdiń basty baılyǵymyz, maqtanyshymyz. Halyq birligi - bizdiń basty jetistigimiz. Osy prıntsıpterdi eskere kele Elbasymyz Qazaqstan halqy Assambleıasyn qurdy. Búginderi bul ultarlyq birlik pen qoǵamdyq kelisimdi nyǵaıtýdyń azamattyq ınstıtýtyna aınalyp otyr», - dedi Málik Myrzalın.

Sessııa barysynda etnomádenı birlestikterdiń atynan Qazaqstan halqy Aqmola Assambleıasynyń tóraǵasy Málik Myrzalınniń orynbasary bolyp «Vıdergebýrt» oblystyq nemister qoǵamynyń tóraıymy Svetlana Korneeva taǵaıyndaldy.

Sessııa sońynda óńir basshysy Assambleıa belsendilerin «Qazaqstan halqy Assambleıasyna - 20 jyl» medalimen, QHA birligi altyn medalimen,  «Qurmet» gramotasy jáne Alǵys hatpen marapattady.