Qazaqstan halqy 0,7%-ǵa kóbeıdi - Statıstıka
17:45, 14 Tamyz 2012
ASTANA. 14 tamyz. QazAqparat - Bıylǵy 1 shildedegi málimetter boıynsha, elimizdegi halyq sany 16793,9 myń adamdy qurady, sonyń ishinde qalalyqtar - 9187,7 myń (54,7%), aýyldyqtar - 7606,2 myń adam (45,3%) bolyp otyr.
Bul týraly búgin jýrnalıstermen bolǵan baspasóz máslıhatynda QR Statıstıka agenttiginiń tóraǵasy Álıhan Smaılov málimdedi.
Onyń aıtýynsha, 2012 jyldyń basymen salystyrǵanda jalpy el boıynsha halyq sany 118,5 myń adamǵa nemese 0,7%-ǵa kóbeıdi.
2012 jyldyń qańtar-maýsymynda respýblıka halqynyń tabıǵı ósimi 114,9 myń adamdy qurady. Bul kórsetkish 2011 jyldyń sáıkes merziminde 107,1 myń adam bolǵan edi. «Tabıǵı ósimniń jalpy koeffıtsıenti 1000 halyqqa shaqqanda 13,8 adamdy qurap otyr», - deıdi agenttik tóraǵasy.