Astana halqynyń sany 1,5 mıllıonǵa jýyqtady

<p>ASTANA. KAZINFORM &mdash; Ulttyq statıstıka bıýrosy halyq sanyna qatysty jańalanǵan demografııalyq statıstıkalyq tsıfr jarııalady. Bıýro málimetinshe, 2024 jyldyń 1&nbsp; maýsymyndaǵy kórsetkish boıynsha Qazaqstandaǵy halyq sany 20 139 914 adamǵa jetken.&nbsp;</p>

Ulttyq statıstıka bıýrosy jarııalaǵan málimetke sáıkes, 2024 jyldyń qańtar jáne maýsym aılary aralyǵynda halyq sanynyń ósimi 106 072 adamdy quraǵan. Jyl basynda elimizde 20 033 841 adam ómir súrse, 1 maýsymdaǵy kórsetkish boıynsha halyq sany 20 139 914 adamǵa jetken.   

Qala halqynyń sany 12 552 583 adam bolsa, aýyl halqynyń sany 7 587 331 qurap otyr. Al Qazaqstanda 10 302 166 áıel turatyn bolsa, erlerdiń sany 9 837 748. 

Qazaqstan halqynyń eń kóp bóligi Almaty qalasynda ómir súretini belgili bolyp otyr. Onda 2,2 mln adam turady. 

Ekinshi orynda Túrkistan oblysy. Atalǵan óńirde 2,1 mln turǵyn bolsa, Almaty oblysynda 1,5 mln halyq ómir súredi. 

2024 jyldyń 1 maýsymdaǵy kórsetkishke saı bas shahar Astanada 1 464 415 adam, al Shymkent qalasynda 1 236 901 turǵyn ómir súretini belgili boldy.