Qazaqstan halqy úmit artyp otyr – balýan Meırambek Qartbaıdyń anasy

<p>AQTÓBE. KAZINFORM &ndash; Erkin kúresten Azııa chempıonatynyń qola júldegeri, 2019, 2020, 2021 jyldardaǵy QR chempıonatynyń 1-oryn ıegeri Meırambek Qartbaı birer kúnde Parıj Olımpıadasynda baq synaıdy. Anasy Aına Qartbaeva ulynyń jetistikteri týraly sóz qozǵap, onyń bozkilemdegi jarysyn tikeleı efır arqyly qaraıtynyn aıtty.&nbsp;</p>

Meırambek Qartbaı Qazı men Aına Qartbaevtardyń otbasynda ómirge kelgen. Ol – tórt balanyń ishinde ekinshisi.

2009 jyldan beri erkin kúrespen aınalysyp júrgen Meırambek 2012 jyly Eset batyr atyndaǵy mektep-ınternatqa túsip, Medet Atabaevtyń jetekshiligimen jattyqty. Al, 2016 jyly Almaty oblysyndaǵy respýblıkalyq sport kolledjine oqýǵa tústi. Keıin Q.Jubanov atyndaǵy Aqtóbe óńirlik ýnıversıtetinde bilim aldy. Jattyqtyrýshylary – Shoqan jáne Darhan Dilmaǵambetovtar. Alǵashqy jattyqtyrýshysy Ǵızat Túsipbaev boldy. 

– Balam aýylǵa kóp kelmeıdi. Azııa chempıonatynan úshinshi oryn alǵanda jattyqtyrýshysy shaqyryp, ýaqyt taýyp keldi. Onda da kezdesýge baryp, jastarǵa aqyl-keńesin berdi. Ózim telefon arqyly baılanysyp otyramyn. 3-4 aıda, keıde jarty jylda bir kóremiz. Aqtóbede de sırek bolady. Kóbine Almatydaǵy oqý-jattyǵýda, jarystarda júredi. Parıj Olımpıadasyna joldama alǵan kezde ózi telefon shalyp, «Mama, súıinshi! Jaqsy jańalyǵym bar. Olımpıadaǵa joldama aldym» dep aıtty. Azııa chempıonatynan úshinshi oryn alǵanyn úıdegi balam habarlady. Ol kezde kóp mán bermeı, «úshinshi oryn da jaqsy» dep aıttym. Ata-ana bolǵan soń barǵan jerinde júldeli bolǵanyna qýanamyz. Al, Olımpıadanyń orny bólek. Jaqsy júldemen oralsa eken dep tileımiz. Ata-ananyń bar tilegi sol. Qazaqstan halqy úmit artyp otyr. Qlymnyń jarysqa shyqqan kezin teledıdardan qaraı almaımyn. Bárin úıdegi balam jetkizedi. Qazirgi ýaqytta balabaqshada aspaz bolyp jumys isteımin. osy joly Meırambegim Olımpıada oıyndarynda jarysqa shyqqan kúni onyń básekesin qaraıyn dep otyrmyn, - dedi Aına Qartbaeva.

Foto: keıipkerdiń jeke muraǵatynan

Anasynyń aıtýynsha, Meırambek Qartbaı óte belsendi, ári ol túrli mádenı is-sharalarǵa qatysqandy unatady eken. 

– 14 jasynan bastap syrtta júrgen bala. Oqý-jattyǵýda, jarysta júrgen soń kóp mazalaı bermeımiz. Biz tek tilekshimiz, - deıdi Aına Qartbaeva.

Aıta keteıik, Meırambek Qartbaı Parıj Olımpıadasyna joldamany kesh aldy. 57 keli salmaqtaǵy balýan Olımpıadada top jarýdy armandaıdy.