Qazaqstan Halyqaralyq valıýta qorynyń el ekonomıkasyn damytýǵa qosqan úlesin joǵary baǵalaıdy – Nurlan Baıbazarov

<p>ASTANA. KAZINFORM &ndash; Premer-Mınıstrdiń orynbasary &ndash; ulttyq ekonomıka mınıstri Nurlan Baıbazarov Qazaqstandaǵy Halyqaralyq valıýta qory mıssııasynyń basshysy Nıkolıa Blanshemen kezdesti. Bul týraly Úkimettiń baspasóz qyzmeti málim etti.&nbsp;&nbsp;</p>

Elimizge kezekti sapary aıasynda HVQ mıssııasy negizgi memlekettik organdarmen, sonyń ishinde Parlament, Ulttyq bank, Ulttyq ekonomıka mınıstrligi, Qarjy mınıstrligi jáne basqa da múddeli taraptarmen birqatar kezdesý ótkizdi.

Foto: Úkimet

«Kezdesýde taraptar aǵymdaǵy ekonomıkalyq jaǵdaıdy, Úkimettiń ekonomıkany odan ári sapaly ósirý maqsatynda júrgizip jatqan reformalary men sharalaryn, sondaı-aq Qordyń ekonomıkalyq saıasatty damytýdyń basym baǵyttary boıynsha usynymdaryn ári jaqyn jáne orta merzimdi perspektıvaǵa arnalǵan yntymaqtastyq josparlaryn talqylady», — delingen aqparatta.

Vıtse-premer ekonomıkanyń úzdiksiz ósýin jáne bıylǵy segiz aıdyń qorytyndysy boıynsha ony 3,7%-ǵa deıin jedeldetýdi basa aıtty. Buǵan qosa, Premer-Mınıstrdiń orynbasary Úkimettiń bıýdjettik saıasattyń tıimdiligin arttyrý, salyq zańnamasyn jetildirý, ınvestıtsııalyq tartymdylyqty kúsheıtý jáne kásipkerlikti damytý jónindegi jumysyna da toqtaldy.

Foto: Úkimet

Nurlan Baıbazarov Qazaqstan Halyqaralyq valıýta qorymen seriktestikke úlken mán beretinin jáne onyń el ekonomıkasyn damytýǵa qosqan úlesin joǵary baǵalaıtynyn atap ótti.

Óz tarapynan Nıkolıa Blanshe turaqty 6% ósimge qol jetkizý úshin ekonomıkadaǵy qurylymdyq reformalardy jalǵastyrý qajettigin, bul — qol jetkizýge bolatyn kórsetkish ekenin atap ótti. Sondaı-aq ol Qordyń Qazaqstanǵa tıisti qoldaý kórsetýdi jalǵastyrýǵa daıyn ekenin bildirdi.

Eske sala keteıik, buǵan deıin Qazaqstanda ıAdrolyq fızıkany damytý jónindegi keńes qurylǵanyn jazǵan bolatynbyz. Tıisti qujatqa Premer-Mınıstr 27 qyrkúıekte qol qoıdy.