Qazaqstan halyq únine qulaq asatyn el ekenin taǵy da dáleldep otyr – Ózbekstanda daýys bergen qazaqstandyq

<p>TAShKENT. KAZINFORM &ndash; Bul referendým &ndash; Qazaqstannyń halyq únine qulaq asatyn el ekenin taǵy bir márte dáleldep otyr. Mundaı pikirdi Tashkent qalasynda ornalasqan № 399 referendým ýchaskesinde alǵash bolyp daýys bergen qazaqstandyq Zámzá Haırýllına bildirdi, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform</a> agenttiginiń Tashkenttegi menshikti tilshisi Álıhan Asqar.</p>

Ózbekstanda issaparmen júrgen Zámzá Haırýllına eldik máselelerde tańdaý jasaýdan qalys qalmaı, azamattyq ustanymyn bildirý mańyzdy dep sanaıdy.

«Bul referendým – Qazaqstannyń halyq únine qulaq asatyn el ekenin taǵy bir márte dáleldep otyr. Men - dárigermen, 10 kún boıy Ózbekstanda issaparmen júrmin. Sondyqtan ózimniń azamattyq kózqarasymdy bildirip, Tashkent qalasynda ornalasqan referendým ýchaskesinde daýys berip jatyrmyn. Bul ár azamat úshin mańyzdy dep oılaımyn, sondyqtan eldik máselelerde tańdaý jasaýdan qalys qalý orynsyz dep sanaımyn», - dep pikir qosty Zámzá Haırýllına.

Alǵashqylardyń biri bolyp daýys bergen taǵy bir Qazaqstan azamaty Anarhan Madııarova da referendým – ár azamat úshin mańyzdy tańdaý jasaıtyn kezeń ekenin atap ótti.

Foto: Álıhan Asqar/Kazinform

«Árbir otandasymyz úshin mańyzdy tańdaý jasaıtyn kezeń. Men Qazaqstan azamatymyn, degenmen 30 jylǵa jýyq Ózbekstanda jumys istep kelemin. Árqashan ulttyq máselelerden shet qalǵan emespiz. Búgin referendýmda daýys berip, óz tańdaýymdy jasadym», - dedi Anarhan Madııarova.

Eske salaıyq, Tashkent qalasyndaǵy №399 referendým ýchaskesi Qazaqstan Respýblıkasynyń elshilgi ǵımaratynda (Abaı kóshesi, 1) ornalasqan. Onda daýys berý jergilikti ýaqyt boıynsha 20:00-ge deıin jalǵasady.

Buǵan deıin Seýldegi referendýmda birinshi qazaqstandyq bolyp halyqaralyq uıym qyzmetkeri Kamıla Maýtova daýys bergenin jazǵan bolatynbyz.

Sondaı-aq, Beıjińdegi Qazaqstan Respýblıkasynyń Elshiligi men Shanhaı jáne Gonkongtaǵy Qazaqstannyń bas konsýldyqtarynda Atom elektr stansasyn (AES) salý jónindegi respýblıkalyq referendýmǵa daýys berý pýnktteri ashyldy.