Qazaqstan Grýzııa portynda salyp jatqan termınal qurylysy qashan bitedi

<p>Prezıdent Joldaýynyń aıasynda Qara Teńizdegi Orta dálizdiń qýatyn keńeıtetin joba iske asyp jatyr, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

Kólik mınıstrliginiń baspasóz qyzmeti bergen málimetke súıensek, Qazaqstan, Ázerbaıjan, Grýzııa jáne Túrkııa elderiniń aýmaǵy arqyly ótetin Orta dálizdi damytý jobasy Qara teńiz jaǵasyndaǵy porttardy birlesip paıdalanýdy kózdeıdi. 2022 jyldyń 25 qazanynda osy ýaǵdalastyq naqty qujat retinde bekitilgen bolatyn.

«Qazaqstannyń «PTC Holding» kompanııasy Grýzııanyń Potı beketinde termınal salyp bastady. Qurylys 2024 jyldyń birinshi jartyjyldyǵynda bitýge tıis. Bul termınal jyl saıyn 13,5 tonnalyq konteınerdiń 80 myń danasyn qabyldaýǵa qaýqarly. Al bir mezette 1687 tonna júk saqtaı alady. Onyń ishinde tońazytqyshy bar jáne temirjol arqyly da, avtomobıl arqyly da tasymaldanatyn konteınerler qabyldaýǵa bolady. Termınalda qoldanylatyn qondyrǵylar men tehnologııalar zamanaýı álemdik standarttarǵa saı. Investıtsııa kólemi – 20 mln AQSh dollary.

Sondaı-aq, keleshekte Bolgarııanyń Býrgas portynda da Qazaqstan termınalyn shaý máselesi pysyqtalyp jatyr», – delingen mınıstrlik málimetinde.

Eske salaıyq, bıylǵy tamyz aıynda Grýzııanyń Potı portynda konteınerlik termınal qurylysynyń irgetasyna kapsýla qalaý rásimi ótken edi.