Qazaqstan Gonkongke bıe sútin jetkize bastady
11:14, 21 Qarasha 2017
ASTANA. QazAqparat - Gonkongke maı men qurǵaq bıe sútin jetkizý bastaldy. Bul týraly Úkimet otyrysynda Investıtsııalar jáne damý mınıstri Jeńis Qasymbek málim etti, dep habarlaıdy QazAqparat.
«Qytaıdaǵy servıstik qoldaý aıasynda 40 qazaqstandyq óndirýshiniń tanystyrylymy uıymdastyryldy. Jeke bıznes retinde otandyq kompanııalardyń azyq-túlik ónimderi arqyly Beıjiń, Shanhaı, Gýanchjoý jáne Úrimjide Qazaqstannyń saýda úıleri ashyldy. Gonkongke maı men qurǵaq bıe sútin jetkizý bastaldy», - dedi mınıstr.
J. Qasymbektiń aıtýynsha, Qytaı naryǵyna bıznes tarapy úlken qyzyǵýshylyq tanytyp otyr. Búgingi kúni óńdelgen ónimderdiń eksporty kólemi 2,5 mlrd AQSh dollaryn qurady, onyń 123 mln AQSh dollary daıyn ónim eksportyna keledi.
Aıta keteıik, búgingi tańda Qazaqstan eksporttaýshy elderdiń ishinde 52-shi orynǵa ıe. Barlyǵy álemniń 113 eline 800-den astam óndiristik ónim shyǵaramyz.