Qazaqstan Gonkongqa sıyr, shoshqa, qus etin jetkizýdi kózdep otyr

Bul týraly Qazaqstannyń Caýda jáne ıntegratsııa mınıstri Arman Shaqqalıevtiń Gonkongqa sapary aıasynda Gonkongtyń Kommertsııa jáne ekonomıkalyq damý hatshysy Aldjernon ıAýmen kezdesýinen málim boldy,dep habarlaıdy QazAqparat mınıstrliktiń baspasóz qyzmetine silteme djasap.

Baspasóz málimetterine qaraǵanda, kezdesýde talqylanǵan basty máselelerdiń biri qazaqstandyq agroónerkásiptik ónimderiniń eksporty bolǵan.

«Gonkong aýmaǵynda egistik jerler men tabıǵı resýrstar az. Jyl saıyn halyq sanynyń ósimin eskere óńir búkil álemnen azyq-túlik taýarlaryn 95%-ǵa deıin ımporttaıdy. Ol úshin arnaıy ákimshilik aýdanda ruqsat etilgen ónimdi ákelýdiń lıberaldy rejımi quryldy. Arman Shaqqalıev qazaqstandyq joǵary sapaly jáne taza ónimderdi jetkizýdi ulǵaıtýdy usyndy. Bul et (sıyr eti, shoshqa eti, qus eti), óńdelgen taǵamdar, premıým segmenttegi ónimder men taǵy basqalar»,-delingen habarlamada.

Bul usynysty Qytaı tarapy qoldap, azyq-túlik eksporttaýshy kompanııalardyń ókildikterin Gonkongta ashýǵa qoldaý kórsetýge daıyn ekenin bildirgen.

Gonkong QHR-men syrtqy ekonomıkalyq baılanysta mańyzdy ról atqarady, Azııanyń eń iri qarjy ortalyǵy jáne Ońtústik Qytaıdyń mańyzdy saýda-kólik toraby bolyp keledi. Gonkong ekonomıkasy ınvestıtsııalardy qorǵaýdyń joǵary deńgeıimen jáne saýda men kapıtaldy ilgeriletýde mınımaldy shekteýlermen erekshelenedi.

Gonkongta iri eksporttaýshy kompanııalardyń jeke ókildikteriniń ashylýy materıktik Qytaıdyń ǵana emes, ASEAN elderiniń de naryqtaryna shyǵýǵa múmkindik beredi.

Saýda kedergilerin tezirek joıý úshin Arman Shaqqalıev qazaqstandyq et ónimderin óndirýshilerdi Gonkong naryǵyna akkredıtteý jónindegi jumysty jedeldetý, sondaı-aq elderimizdiń keden qyzmetteri arasynda ýákiletti ekonomıkalyq operatorlar baǵdarlamasyna qol qoıýdy jedeldetý týraly ótinishin bildirdi. Bul qazaqstandyq taýarlardy Gonkongqa ákelýdi resimdeý rásimin jeńildetýge jáne jedeldetýge múmkindik bermek.