Qazaqstan Germanııaǵa eksport kólemin 1 mlrd eýroǵa deıin arttyra alady
«Esepteýlerimizge sáıkes, búginde Qazaqstannyń Germanııaǵa eksport kólemin shamamen 1 mlrd eýro somaǵa 140-tan astam taýarlyq pozıtsııa boıynsha arttyra túsýge áleýeti bar. German kapıtalynyń elimizdiń ekonomıkasyna kirigýi de turaqty túrde artyp kele jatyr. German ınvestıtsııasynyń 90 paıyzy ekonomıkanyń shıkizattyq emes sektoryna salynǵan. Bul kórsetkish biz úshin Qazaqstanǵa jáne tańdap alǵan damýdyń ınvestıtsııalyq vektorymyzǵa degen úlken senim», - dedi Roman Sklıar elordada ótken Qazaqstan-german bıznes forýmynda.
Onyń atap ótýinshe, eki eldiń arasyndaǵy qarym-qatynas syndarly dıalog ornap, iskerlik orta arasynda kooperatsııalyq jáne ózara yntymaqtastyq damyǵan kezde ǵana jemis bolady. Eki eldiń memleket jáne úkimet basshylary saıası jáne saýda-ekonomıklyq qatynastarǵa jol salyp otyr. Al qalǵany bıznesmenderdiń qolyndaǵy is.