Qazaqstan genderlik teńdik boıynsha álemdik reıtıngide 65-orynǵa kóterildi

ASTANA. QazAqparat – Qazaqstan Dúnıejúzilik ekonomıkalyq forým aıasyndaǵy «Jahandyq genderlik alshaqtyq-2022» zertteýiniń qortyndysyna saı, genderlik teńdik boıynsha 80-orynnan 65-orynǵa kóterildi. Bul týraly ortalyq kommýnıkatsııalar qyzmetindegi brıfıngide Áıelder isteri jáne otbasylyq-demografııalyq saıasat jónindegi ulttyq komıssııa tóraǵasynyń orynbasary Elena Tarasenko aıtty, dep habarlaıdy QazAqparat tilshisi.

«QR Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııa 20 jyldan astam ýaqyt ishinde halyqaralyq qoǵamdastyqtyń jaýapty múshesi retinde ózin qalyptastyra bildi. Ulttyq komıssııa Qazaqstandaǵy barlyq áıelder men qyzdardyń quqyqtary men múmkindikterin keńeıtýde, genderlik teńdikti qalyptastyrýda iri jobalardy iske asyryp, máselelerdi ýaqtyly sheship keledi. Júrgizilip jatqan jumystyń nátıjesinde Qazaqstan genderlik teńdik boıynsha óz kórsetkishterin jaqsartty. Dúnıejúzilik ekonomıkalyq forýmnyń zertteýine sáıkes, elimiz 80-orynnan 65-orynǵa kóterildi», - dedi Elena Tarasenko.

Sonymen qatar, Áıelder isteri jáne otbasylyq-demografııalyq saıasat jónindegi ulttyq komıssııanyń bıylǵy jumystarynyń qorytyndysy málim etilgen brıfıngide otbasyn qoldaý ortalyqtarynyń sanyn kóbeıtý josparlanǵany aıtyldy.

Foto: depositphotos.com