Qazaqstan genderlik sezimtaldyq álemdik reıtıngisinde 43-orynǵa tústi - R. Sársembaeva

ASTANA. QazAqparat - Qazaqstan genderlik sezimtaldyq álemdik reıtıngisinde 43-orynǵa tústi. Bul týraly búgin Ortalyq kommýnıkatsııalar qyzmetinde ótken brıfıngte QR Іsker áıelder qaýymdastyǵynyń prezıdenti Raýshan Sársembaeva málim etti.

«Ókinishke oraı, Qazaqstan genderlik sezimtaldyq álemdik reıtıngisinde 43-orynǵa túsip ketti. Tórt jyl buryn biz 32-orynda edik. Onyń basty sebebi bar, buryn bul reıtıngke tek 136 memleket qatyssa, búgingi tańda 142 el genderlik sezimtaldyq reıtıngisine qatysady», - dedi R. Sársembaeva.
Onyń sózine qaraǵanda, bılikte áıelderdiń úlesi boıynsha Qazaqstan 65-orynda turaqtaǵan.
«Degenmen, bilim berý, densaýlyq saqtaý, shaǵyn jáne orta bıznes salalarynda jáne memlekettik-ekonomıkalyq múmkindikterdegi áıelderdiń úles sany boıynsha, Qazaqstan kósh basynda keledi jáne 20-oryndy ıelenip otyr», - dedi ol.